هنتكلم انهارده عن طفل السنتين 📢📢📢📢.
🔊🔊🔊🔊🔊🔊
طفل السنتين إلى أن يتم ثلاث وأحياناً أربع سنوات هو طفل اندفاعي ...
ردود أفعاله حاده شويه زياده🫣 داخل الدنيا بصدر قوي 🤣
فرحان يضربك .. زعلان يضربك🙄
لحد الأن مش عارف يأهل طاقته صح ... بيتعامل بشكل عشوائي ..
❌ إياكي والعنف أو الضرب كله بالتفاهم
مفيش حل غير كدا
إما التجاهل او تشتتي إنتباهه وتحضنيه مثلا ... راح يهدا وينسى اللي كان بيعمله ☺️
شويه وهيرجع مره ثانيه يعبر عن مشاعره بنفس الطريقه
وانتى معلش لازم تكرري نفس رد فعلك ... لحد ما نعدي الفتره دى على خير 🙄❤️
جربي تزعقي... هيزعق وهيزيد فى الشقاوة 🫣
جربي تضربي حتى لو ضرب خفيف ... رح يزيد اكثر ومش هييأس والموضوع رح يترسخ معاه🙄
فترة صعبه طبعاً كلنا عارفين ومرينا بيها ..
والأصعب إنك تتحكمي في ردود فعلك اكثر منه❤️
💡💡💡
ودى بعض السلوكيات الخاطئه اللى ممكن نشوفها أو نعملها مع أطفالنا من عمر سنتين الى 4 سنوات والطرق الصحيحه لتعديل سلوكهم
👇👇👇👇👇👇👇👇
ابنى عصبى جداً وبيضرب أخواته ويخربشهم
😢😢
بنتى عنيده جدا وبتتعمد تعمل الحاجات الغلط واللى بتضايقنى وهى بتضحك 🫣😭
ازاى اتعامل مع طفل من سن سنتين الى سن 4 سنوات ؟؟ 😤😤😤
انا بضرب ابنى وبرضه مش عاوز يبطل عنف او يبطل عند
⏪⏪اولا
عاوزه اقول لحضرتك ان من سن سنتين ل 4 سنين سن الصعب الممتنع 🥹
بمعنى ان المرحله العمريه والتعديل السلوكى فى العمر دا صعب شويه
ومفيش ابد ابدا. 🚫🚫 حاجه اسمها عقاب بالضرب 😤 أو التوبيخ أو الإهانة 😤😤
الكلام دا كله خاطئ وجريمه فى حق طفلك ولكن فى حاجه اسمها👇
❤️ 👈 تعديل السلوك 👉❤️
⏪⏪ثانيا
فى شوية معلومات لازم تعرفيها عن السن دا
🔷١) في السن ده بيبتدي الطفل يكتشف انه مش محور الكون وهيفهم ان الناس اللي حواليه متخلقوش بس عشان يلبوا طلباته ورغباته اللى معظمها بتكون غريبه ومريبه 😂😂😂
وهيتفاجئ كمان بإن في معوقات كتير تحول دون تنفيذ الكتير من رغباته
(زى المعوقات الماديه أو صعوبة تنفيذ بعض طلباته إللى شبه مستحيله أحياناً أو كثرة عدد الأولاد وعدم وجود وقت كافى لتنفيذ رغباته ).
باختصار هيبتدي يتعرض فى السن دا لأول احباطات في حياته بعد ما كان كل الإهتمام له لوحده 🥹
🔷٢) وكمان نضيف على ده ان لسه حصيلته اللغوية لسه مش مساعداه انه يعبر عن المشاعر الكتير اللي بيحس بيها أو إنه يتفاوض للحصول على اللي عايزه👶
بسبب ده بيحصل حاجتين مزعجتين وبيضايقوا الاب والام جدا :
🤎 أطفال كتير بيدخلوا في نوبات صراخ وعصبية وتلاقيه بيرمي نفسه على الأرض ويرفس ويصرخ ويتشحتف بهيستيريا شديده😢😢
🤎 في احيان كتير الطفل بيبدأ يستخدم العنف كوسيلة من وسائل التواصل مع الغير لأنه زي ما قولنا يفتقد لوسائل التواصل أو التفاوض الأخرى زي أستخدام اللغة للمنطق والإقناع ،، فيبتدي يضرب ويعض ويشد ويكسر ويعاند 🫤
🌻عشان الحاجتين دول ..
كتير من الآباء والأمهات في السن ده بيكتئبوا ويحسوا انهم مش عارفين يتعاملوا مع ولادهم وان طريقتهم غلط 😢 ويبتدوا يسمعوا لكلام الناس الكبيره ان ازاى الطفل يعمل كدا مفيش تربيه مفيش أدب دا لازم يتضرب عشان يتربى 🥹❌
احب اطمنك ان السلوكيات دي لو حصلت في السن ده بنعتبرها جزء من التطور طبيعي ( لاحظى كلمة طبيعى اه والله العظيم طبيعى 😂😂😂)
اهم حاجة نعرف نتعامل معاها ازاي بأسلوب سليم وغير مؤذى عشان متكملش معانا لبعد كده.
⏪⏪ثالثا
ايه مطلوب منك ك أم أو من حضرتك ك أب للتعامل السليم مع الأطفال فى العمر دا ؟؟
◾◾ممنوع منعا باتا 🚫 اننا نرد الضرب بالضرب 👈 كده هيتعلم وهايتعود انها فعلا وسيلة من وسائل التواصل وااتفاهم بين البشر .. مينفعش ..❌🥹
كل اللي هنعمله اننا هنمسك ايده 🖐 ونمنعه انه يضربنا ونفهمه برفق ان مش دى الوسيله الصح للتواصل ✅
◾◾ لو الطفل دخل في نوبات صراخ وعصبية وشحتفه ورمى نفسه على الأرض وقعد يمثل فيلم الأرض لو عطشانه نرويها ب دمانا 😂😂
👈👈 الحل هنا هيكون التجاهل التام ✅⛄⛄.. مفيش رد فعل لا بالسلب ولا بالإيجاب.
استجابتنا بأي طريقة معناها بالنسبة ليه انه نجح انه يضغط علينا أو يلفت إنتباهنا بتصرفه ده وبكده الموضوع ده هيكرره تاني وتالت 😁 .
طالما مش خايفيين ان الطفل يأذي نفسه لازم نتجاهله خالص ..
((طبعا مش محتاجين نقول ان احنا اكيد فى الآخر برضه مش هننفذ اللي هو طلبه مننا باستخدام الأسلوب دا 🤔🤔🤔))
◾◾الطفل ((عند سنتين ونص تقريبا)) هيبتدي يفهم كويس المشاعر ويكتسب حاسة التعاطف مع الآخرين♥️
👈دورك:
هنستخدم ده في تقويم الطفل وتوجيهه .. هنزعل منه لما يعمل غلط وهنبين ده ،، هنشجعه ونفرح بيه ونجيبله هديه أو حاجه حلوه لما يعمل الصح.
◾◾ الطفل هيبتدي يفهم الجمل البسيطة وبرضو هيفهم ان في عواقب لأفعاله .. وإن في علاقة بين ((السبب)) و ((النتيجة)) .
👈دورك:
بدل ما كنا بنستخدم الكلمة الواحده او الكلمتين في التوجيه في السن الأصغر من كدا .. هنبتدي نشرح بطريقة مبسطة ليه اللي عملناه ده غلط .. و بطريقة مبسطة معناها سبب واحد و نتيجة واحده .. بمعنى
(( انت رميت اللعبة🚐 .. مش هتلعب بيها تاني)) ✅💓
مينفعش احاول اشرح انك لو رميت اللعبة ممكن تتكسر ولو فضلت تكسر لعبك الفلوس هتخلص وبابا هيزعل ومش هيرضى يجيب لعب تاني ومش هيكون عندك لعب 😂😂😂 !!
دا لو حضرتك مخلفه عالم واخد جايزة نوبل عمره ما هايفهم كلامك دا فى السن دا 😂😂
وبرضو هنبتدي نحط قواعد وليسته بسيطة للحاجات الممنوعة والمسموحة وإللي تستوجب العقاب
(يتمثل فى الحرمان الجزئى من الأشياء المحببه اليه مثلاً ) أو المكافأة.
👈 الخلاصة: في السن ده ،، الطفل ابتدى يواجه الواقع ،، بس لسه مش راضي يقتنع بيه ،، مش بيعرف يعبر عن نفسه كويس ،،
هنلاقيه ممكن ابتدى يبقى عصبي وأحياناً عنيف ،، مش معنى ده انك فشلتى في تربيته او بتربيه غلط
(زى ما جدو وتيتا أو الناس الكبيره بيقولوا
فهمه هيزيد شوية بشويه فنقدر نشرح له الغلط بطريقة بسيطة ونحاول نعوده يلتزم ببعض القواعد البسيطة👌♥️ش
تعليقات
إرسال تعليق