🔴شوية نصايح كده لشغلك هتنفعك: 👌🎩

 🔴شوية نصايح كده لشغلك هتنفعك: 👌🎩

1- مهما كان .. لو اكتشفت فيك نقطه ضعف في شغلك متقولهاش لحد .. طور نفسك بسرعه فيها .. وياريت تنجز😉

2- خلي ديما علاقتك بمديرك على قد ماتقدر رسمية .. بلاش موضوع صاحبي والكلام دا لان في الغالب الموضوع دا هيدخلك في مشاكل .. لأن مديرك مهما بينلك إنه صاحبك فهيكون متحفظ بشكل كبير جداً في أي حاجة تخصه .. وهتلاقي نفسك إنتا اللي بتحكيله كل حاجة ،، وهتلاقي نفسك دخلت في النقطه رقم 6 .. مديرك على عيني وعلى راسي .. إحترمه وقدره .. لكن ماتفتحش باب العشم بينك وبينه لأنك في الغالب اللي بتتعشم بيه مش هيحصل برغم من ان اي حاجة هيطلبها منك بعشم هتعملهاله !!🤐

3-‏ لو إتسألت اي سؤال من مديرك في شغلك وانت عارف الاجابه بنسبه 100% متجاوبش في نفس الوقت .. قول هرجع أتأكد وهرجع ارد عليك .. خلي ديما فيه مساحة أمان علشان تعرف تراجع بدل ماتقول معلومه غلط وساعتها ممكن يفقدوا الثقة فيك.😎

4- ‏لو اطلب منك شغل وانت تقدر تخلصه في ساعه قول هخلصه في 3 ساعات .. لانك بعدها لو خلصته في ساعه هينبهروا بيك !!! .. خلي ديماً مساحة ليك بدون ضغط .. لإن أصحاب الأعمال أغلبهم ميهمهمش تفاصيل التعب اللي هتتعبه .. ويمكن ميكونش فارق معاهم تعبك أصلا .. أغلبهم يهمهم النتائج فقط⏰

5- كويس جدا انك تكون محترم ومتواضع .. بس مش كل الناس بتفهم الكلام دا وللاسف أغلبهم بيعتبروه ضعف وممكن ميعملوش ليك أي حساب .. وللأسف تلاقي اللي صوته عالي وقليل الادب بيحترموه !!! .. لذلك أعرف امتى تكون محترم ومتواضع وامتى تطلع الوش الخشب !!

6- علاقتك بزمايلك في الشغل خليها في إطار الشغل🤏 .. بلاش تعرف حد عن مشاكلك الشخصيه او قصصك وحوراتك .. لان مش كل الناس بتتمنى لبعضها الخير وعادي جداً تلاقي اللي انتا واثق فيه دا .. شغال عصفوره للمدير !! او ممكن يستغلها ضدك

7- في الإجتماعات خليك ذكي .. لو شايف ان كل اللي قاعدين متفقين على حاجه معينه وانتا ليك رأي مختلف متقلهوش في نفس الاجتماع لان في الغالب مش هياخدوا بكلامك .. اعرف إمتى تتكلم ومين اللي مستعد يسمع .. خلي معلومتك عزيزة .. تطلع في الوقت المناسب للشخص المناسب..🤓

8- ماتهزرش كتير .. مش قصدي تبقى بايخ ودمك تقيل .. ماتهزرش هزار يقلل هيبتك قدام الناس .. خليك مرح وفي نفس الوقت إختار امتى تهزر .. لكل مقام مقال وليس كل مايُعرف يُقال..☺️

9- ‏اشتغل بمايرضى الله عز وجل حتى لو شركتك مش مقدراك أو حسيت بالظلم من أحد رؤسائك .. ولكن في أسرع وقت أخرج من الشركه دي وشوف أقرب بديل مناسب .. لانك لو طولت هتفقد الثقه في نفسك .. وساعتها صعب ترجع لنفسك تاني .. أخرج وأنت قوي .. وصدقني بكره هيندموا 👌

‏10- أوعى تصدق كلمة ( أنت إبن الشركة ) القطاع الخاص مابيخلفش 😃