شوية معلومات لازم تعرفها عن بطاريتك علشان تعرف تحافظ عليها

 شوية معلومات لازم تعرفها عن بطاريتك علشان تعرف تحافظ عليها 

 0️⃣كل بطاريات اللابتوب و من فتره بعيده بقيت مصنوعه من الليثيم بوليمر و عجينة الليثيوم دي ليها خصائص كويسه جدا هنعرفهم ف الكام سطر الجايين  و ازاي تحافظ عليها و تطول عمرها 

1️⃣السؤال الاول : هل ينفع استخدم اللاب و هو ع الشاحن ؟ 

ايوه ينفع و هو دا الاصح و معظم دواير الشحن بتاعت اللابتوب و باعلان رسمي من شركات اللابتوب 

ان دايره الشحن بتوقف الشحن بمجرد اكتمال البطاريه ١٠٠٪ 

و بتحولك علي المباشر 

2️⃣نصيحه بقي علي جنب لو انت بطاريتك بتتخلع 

لو عارف نفسك مش هتتحرك باللاب لفترات طويله و ليكن اسبوعين مثلا يفضل تخلع البطاريه و تشغل اللاب علي المباشر 

و طبعا مش محتاج اقولك لو انت بتشتغل شغل مهم لازم تكون واثق ان الكهرباء مبتقطعش عندك كتير 

و لازم تكون حافظ الاختصار دا زي اسمك ctrl+S 

3️⃣السؤال التاني : طيب انا يا هندسه خلعت البطاريه و خزنتها ؛ اخزنها مشحونه و لا متفرغه ؟

الاجابه هي : بين البينين 

🤔🤔🤔🤔

ايوه زي م سمعت خزنها نص شحن رينج ال،40-50% كده 

4️⃣ سؤال : اشحن بطاريتي امتي؟ 

اشحن بطاريتك بمجرد م تديك اول انذار و يا سلام لو انت برنس و بتوصلها علي الشاحن مباشرة بمجرد متوصل ال20% 

🎁اخر نصيحتين دول اعتبرهم هديه مني ليك🎁

 5️⃣انك لازم تفرغ البطاريه تماما لغايت م اللاب يفصل 0% و تشحنها لحد الاكتمال 100% 

علي الاقل كل 3 شهور 

و دا علشان تبقي شحنت دوره كامله متكامله و دي حاجه بتعيد شباب البطاريه مره تانيه 💆🛀🏋️

6️⃣ من ضمن الاسباب الرئيسية لتلف بطاريتك هي درجات الحرارة العاليه و دي لازم تاخد بالك منها جدا و خاصة لو انت هتستخدم اللاب زي م قولنا ف النصيحه رقم 1️⃣

🔁كل الكلام اللي فوق دا بينتطبق علي 90 % من بطاريات الليثيوم اللي موجوده في اي جهاز سواء 

لابتوب 

موبايل 

اله حاسبه 

سياره كهربيه .......الي آخره