و عايز تبيع منتجات علي فيس بوك الموضوع ببساطة محتاج 5 حاجات. :
1- منتج تبيعه له صور كويسة.
2- بيدج فيس بوك تبيع عليها.
3 -تعرف تعمل Facebook Ads
4- حد يرد علي الرسايل ويطلع أوردرات.
5 - شركة شحن تشحن معاها شغلك.
لو عارف هتبيع إيه تمام، لو عايز تعرف أماكن جملة أو موردين ببساطة اكتب اسم المنتج اللي حابب تبيعه علي سيرش الفيس بوك واكتب جنبه كلمة " جملة" مثلا "منتجات جلد جملة" " ملابس أطفالي جملة" هتلاقي جروبات كتير طالعة لك وتجار و مصانع وورش.. كل حاجة... عيش مع نفسك بقي ف الجروبات دي وهتلاقي كل حاجة.
إعمل بيدج فيس بوك باسم إللي تختاره وخلي حد يعملك لوجو و ابدء إشتغل عليها.
سيرش علي YouTube مثلا عن Facebook ads هتلاقي كورسات وفيديوهات كتير... يوم واحد وإن شاء الله هتفهم كل حاجة... حمل ابلكيشن Facebook Ads علي الموبايل وهتلاقي استخدامه إن شاء الله سهل . وجرب كام إعلان الدنيا هتظبط معاك.
أعملك اي فيزا من أي بنك المهم إنها تشتغل علي ال Facebook.
رد إنت الأول لوحدك أو حد تبعك عشان مدفعتش مرتب لحد.
تعليقات
إرسال تعليق