هل في أمل إني أعرف أخرج من حالة الروتين والفوضى واللامبالاة اللى أنا عايش فيها واكون شخص مُنتج وفعال ؟! 😔

 هل في أمل إني أعرف أخرج من حالة الروتين والفوضى واللامبالاة اللى أنا عايش فيها واكون شخص مُنتج وفعال ؟! 😔

.

#سلسلة_لاتفكر_في_الفيل_الوردى(3)

#راجع_المنشور_السابق

.

#أولا

لازم تعرف ان السؤال بالصيغة ده كده غلط  🚫 ، وكده انت وقعت في مصيدة الفيل الوردى (يعني حصرت دماغك في فكرة انك شخص فوضوي أصلا وغير منتج) 😯

.

#طب_وإيه_الصيغة_الصحيحة 🤔

ببساطة .... 

إزاى ازود انتاجيتي واكون شخص فعال اكتر من الحالي ؟ 👌

( كده انت وصلت رسالة لعقلك انك أصلا شخص منتج وفعال ) وكل القصة انك عاوز تزود بس درجة الإنتاجية والفعالية ، طبعا روح الإيجابية والتفاؤل ده مهمة جدا بالنسبة لنا في رحلة التغيير ( وطبعا مش هنقول رحلة العلاج ) عشان منوصلش لعقلنا اننا في مرحلة مرضية ...إلخ ويبدأ العقل يقع في الفخ ويركز فقط في المشكلة بدلا من الحل.👍

.

#حلول_سهلة_وبسيطة_وعملية: 👇

1- الحل الأول كان في المنشورات السابقة وهو التفاؤل ومراقبة العقل في طريقة تفكيره

.

2- الحل الثاني ( وركز معايا جدا) عشان اثره سريع على نفسيتك🙏

وهو ... 👈 [تقبل هذه الحالة ، بدلا من مقاومتها]

.

فكرة بس إنك تتقبل الحال اللى انت فيها حاليا (انك بشر مش إنسان إلى Robot) 

انك كنت مضغوط جدا الفترة اللى فاتت وحرقت كل البنزين اللى كان عندك ، وفعلا من حقك ترتاح وتفصل شوية من المهام ده ، عشان تشحن من جديد😌

الشعور ده في حد ذاته هيقلل الضغط عليك ، وهيقصر جدا مده فصلانك

.

وعن تجربة والله 💯

فكرة جلدك لذاتك ،وتأنيب ضميرك الشديد لروتين يومك الممل اللى مفهوش أي فائدة او تطوير لحالك ؛ كفيلة لإضعاف جسدك ومناعتك واصابتك بالهم والاكتئاب تدريجيا ، وكمان هتخليك واقف في مكانك بدون اى تغيير إيجابي

.

#يعني_عاوزني_اتقبل_حالتي_واستسلم_للوضع_ده

الإجابة : لا طبعا ، هتطبق معايا القاعدة ده كل يوم ، عشان تساعدنا نخرج من الحالة ده في اسرع وقت

وهى [ فعل شيء واحد صغير ولكن بطريقة عظيمة]

.

📌 يعني من الاخر:     

 حاول متخسرش كل حاجة في يومك ، اعمل على الأقل حاجة واحدة صغيرة ولكن اعملها بشكل عظيم عشان تستند عليه قدام ، في انك مع الوقت تبني نظام في دماغك ( انك شخص فعال أصلا ) ولكن فصلت مؤقتا .

ولكن طبعا لو اليوم كله خلص وانت معملتش اى حاجة (للأسف الفكرة بتترسخ تدريجيا في ذهنك وهتتحول لسلوك دائم في المستقبل)

فعشان كده احنا بنحارب الفكرة ده⚔️ ، بعمل عظيم ولو بسيط في يومك 

.

#نعيد_تاني 🔁

يبقي كده اتفقنا حل مشكلة الفصلان والعشوائية والملل والفوضي في يومي ،

مراقبة عقلي في طريقة تفكيرى+التفاؤل+ اتقبل فكرة الفصلان مع عمل حاجة واحدة في يومي بشكل عظيم

.

#تعالوا_نختم_بمثال_واقعي⚠️

لو لاقيت نفسك فاصل تماما ، ويومك ماشي بشكل عشوائي أو مش زى ما انت كنت مخطط له بشكل عام يومك بدأ يدخل في مربع الراحة (comfort zone) ، أولا هتقبل ضعفي واني انسان حاول قبل ما اليوم ما يخلص 

تعمل حاجة واحدة صح على الأقل تختم بيها اليوم بتاعك 

.

#زى_ايه_مثلا

🔹 صدقة كبيرة شوية أكبر من الطبيعي بتاعك في ايامك العادية

🔹تكون شخص ودود اكثر مع معارفك غير طبعك العادى

🔹وانت بتصلى تتطول في السجدة شوية وتدعي بدعاء مختلف 

🔹تقرأ صفحة من اى كتاب وتنشر اللى اتعلمته صدقة جارية

🔹 ذكر بسيط لمدة دقيقة بتركيز ( على غير العادة )

بشكل عام دور على أي حاجة تعملها في يومك تكون مختلفة عن طباعك التلقائية في ايامك العادية واعملها بشكل عظيم 

.

✅ بحيث انك لما تيجي تفكر يومك ده تلاقي فيه نقطة منورة جميلة انت عملتها في اليوم ده ومكنش كل اليوم ضايع منك

و صدقني ده مهم جدا والله وعن تجارب شخصية ؛ وهتقلل جدا مدة فصلانك وفتورك

وبكده نبقي حققنا الغاية العظمي وهو (لا تلوم نفسك و لا تتركها للكسل)💪 

  .

وتذكر دوما أن #الصلاة_على_النبي  "تكشف الكروب النفسية قبل المادية "❤️

.

لو استفدت من المنشور ده ، تابع باقي السلسة ، وانشرها لتعم الفائدة

.

#للحديث_بقية

#المدرب_محمد_سيف_الدين