أنا كل يوم بحس بتأنيب الضمير بسبب إني معملتش إللى ورايا ، وفى نفس الوقت مستمر في عدم فعل أي شيء ، وده مسبب لى إحباط شديد وجلد للذات، ومش عارف أعمل إيه ؟؟

 أنا كل يوم بحس بتأنيب الضمير بسبب إني معملتش إللى ورايا ، وفى نفس الوقت مستمر في عدم فعل أي شيء ، وده مسبب لى إحباط شديد وجلد للذات،  ومش عارف أعمل إيه ؟؟

.

#سلسلة_لا_تفكر_في_الفيل__الوردى_(2)

.

#أولا

لازم تعرف أن الحالة إللى انت بتقع فيها ده ، مش بتيجي فجأة أو صدفة ياصديقي ، ده عامله زى البركان إللى عمال يسخن تدريجيا وفجأة بيثور  

.

بمعني أوضح !!

انت تدريجيا من غير ما بتاخد بالك بتبدأ تدخل في الحالة ده ، هشرح لك إزاى عشان تلحق نفسك قبل ما تقع تاني ( بس ركز معايا)

.

#مثلا

حضرتك قعدت عملت خطة جديدة لتحسين حياتك مكتوبة أو شفوية 

وقولت من بكرة هلتزم بـ (الصلاة - أو القراءة  - أو الجيم – هاتخلص من كذا – هعمل كذا - ....إلخ)

.

تاني يوم تصحي متأخر أو حاجة تقع منك ومتحققهاش ، في اللحظة ده بقي (ركز معايا)  👇

في رسالة خفية بتتسرب لعقلك انك شخص مش ملتزم ، ومفيش امل من التغيير

فتقول لنفسك ، خلاص هبدأ من الساعة كذا واعوض اللى فات ، فتلاقي ان نص اليوم خلص ( هتبعت لنفسك رسالة تانية ، انك فعلا شخص مش ملتزم ، ومش بتعرف تنجز حاجة) 

تقوم تقول لنفسك خلاص هاخد راحة نص ساعة  ، وابدا في تعويض اللى فات 💪

.

وتتفاجأ ان وقت النوم جه ، 

فتقول لنفسك خلاص هنام بدرى واصحي الفجر ابدا من جديد ، وتلاقي نفسك وانت على السرير ( كل اللى في عقلك اللاواعي جلد للذات فقط)  ☹️

وطبعا السيناريوا ده بيتكرر كل فترة بنفس النتيجة 😥

.

متستغربش انا عرفت كل التفاصيل اللى حصلت معاك  ده ازاى ، الإجابة سهلة (انا كنت كده)  😅

.

#قبل_الإجابة_اقرأ_الكلام_ده_بتركيز

1- الإجابة مبنية على المنشور السابق 

.

2- 95 % من الناس عندهم نفس المشكلة (انت مش لوحدك) بس ده مش مبرر

3- 5 %  من الناس اللى اتخلصوا من المشكلة ده اصبحوا مبدعين وعظماء في مجالهم (تقدر تكون منهم عادى مش مستحيل)

.

4- متتوقعش اني اقولك حل سحري هيحولك 180درجة ، لان المشكلة مش سهلة ، وهتحتاج إلتزام بالخطوات اللى هقولك عليها

.

5- في حلول كتيرة للتخلص من المشكلة ده ،  وبيختلف الحل المناسب حسب ظروفك وطبيعية شخصيتك 

6- طبيعي جدا بعد لما تتخلص من المشكلة ده ، بعد فترة تقع فيها تاني (انت بشر مش انسان آلى)

.

7- كل مرة هقولك حل واحد فقط ، عشان يكون سهل عليك في تطبيقه ، ونفضل مع بعض خطوة خطوة ..  نطبق الخطوة الجديدة مع الاستمرار في الخطوة القديمة لغاية لما نتخلص من المشكلة ده تماما بإذن الله 💯

..

#حلول_سهلة_وبسيطة_وعملية: 

1- طول فترة العلاج ، عاوز منك تفاؤل  ، وعدم جلد للذات مهما حصل ؛ عشان حاجة مهمة جدا (سلامتك النفسية وثقتك في قدراتك أهم مليون مرة من المهام اللى كانت وراءك واتاخرت في تنفيذها) طبعا باستثناء الصلاة 🚫

.

يعني بلاش تجمع كل هفواتك واخطائك وتقصيرك كله في عقلك قبل النوم ، وعاوز تصحي تكون سوبر مان وتحقق كل احلامك 😇

.

#طب_نعمل_ايه ؟؟

مطلوب منك تعمل العكس تماما ، قبل النوم خليك ذكي وحاول تفتكر كل إنجازاتك اللى عملتها طول اليوم ( ولو عرفت تكتبها يكون افضل)

جمع كل انجازاتك حتي ولو قصيرة او بسيطة أو في نظر الاخرين ليست عظيمة 

عشان تبعت رسالة لعقلك بطريقة غير مباشرة انك شخص منجز ، وانك شخص رائع 🥰

.

#آخر_شيء 

ليه بقولك خليك ذكي  وانت بتسجل انجازاتك؟!!

عشان في ناس كل لما تفتكر انجاز  ، بتحاول تقلل منه بأى طريقة

يعني ، ده مش انجاز 

- انا زمان كنت بعمل احسن من كده

- ده حاجة بسيطة أصلا

- ده المفروض اني مواظب على ده 

- انا المفروض كنت احقق افضل من كده بكتير   

.

#مثلا

1- انا المفروض كنت اصحي من 6ص وصحيت 9 ص (عادى ده انجاز برضه)

2- كنت المفروض اقرأ 20 صفحة قرأت 5 فقط ( اسمه انجاز )

3- كنت المفروض اعمل ربع ساعة رياضة ، عملت 5ق بس ( مفيش مشكلة استمر يابطل)

.

.

وهكذا ياصديقي العزيز ، كلما داهمتك نفسك للتقليل من انجازاتك ، تذكر هذه الأعمال  البسيطة ، والتي بدورها سترفع من مشاعرك وتقديرك لذاتك تدريجيا 👌👌

وتذكر دوما الحديث النبوى الرائع "أحبَّ الأعمالِ إلى الله أدومُها وإن قَلَّ"

.

لو استفدت من المنشور  ده ، تابع باقي السلسة ، وانشرها لتعم الفائدة

.

#للحديث_بقية

#المدرب_محمد_سيف_الدين