جوجل أخيراً نزلت بالبرنامج اللي أعلنت عنه سابقاً وانه هيتم إتاحة العلم بالمجان و لشهادات تعادل 4 سنين تعليم جامعي و في 6 شهور فقط في بعض المجالات في حال اذا قدمت طلب وظيفة فانهم يقبلوك بدون شهادة جامعية هم فقط وليس اي شركة

 جوجل أخيراً نزلت بالبرنامج اللي أعلنت عنه سابقاً وانه هيتم إتاحة العلم بالمجان و لشهادات تعادل 4 سنين تعليم جامعي و في 6 شهور فقط في بعض المجالات في حال اذا قدمت طلب وظيفة فانهم يقبلوك بدون شهادة جامعية هم فقط وليس اي شركة .

دلوقتي ممكن تتعلم من البيت كل حاجة و بنسبة كبيرة بالمجان و كمان تاخد شهادات معتمدة و لو انت جامد و مسيطر ممكن تشتغل مع Google من البيت وليس في مكان اخر .

_____

طيب إيه هي التخصصات دي ؟

أسجل فيها إزاي طيب ؟ 

والمهم بقى هدفع ولا لا ؟

صلي ع نبيك وتعالى ورايا نفصص الموضوع وأفهمك كل حاجة يا بشمهندس بس الاول انضم لجروبنا عشان هتلاقي كل اللي نفسك فيه بعد كده من اسئلة و استفسارات وكورسات وحجات تانية  

---------------------------------------------------------------

إيه هي التخصصات ؟

أكيد طالما من جوجل يبقى حاجة ليها علاقة بالمجال بتاعهم ، مش محتاجة ذكاء يعني 😂! خلاص ما تزعلش هقولك اهه  😂 الشهادات دي ف 5 تخصصات :

IT Support .

Data Analytics .

UX Design .

Project Managment . 

Android Development . 

كده يبقى قولنا التخصصات ، قبل ما نتكلم عن كل تخصص منهم هنتكلم الأول عن مدة كل كورس ، بص الكورس هتاخده في 6 شهور .. جميل ؟ بمعدل مذاكرة 10 ساعات في الأسبوع ، الكورس مش بس شرح لا في كويزات كمان ع كل محاضرة ومراجعة ع اللي قبلها ، أيوة حقك تدايق كده عشان إفتكرت الكلية اللي حاطة عليك 😂 هات كوباية الشاي بقى وتعالى ورايا نفصص الهدية ..

-------------------------------------------------------

IT Support : 

 عارف أنت بتوع الدعم الفني بتوع شركة وي؟ اللي يفضل يقوك رستر الراوتر يفندم ؟ اهو أنت هتاخد الكورس ده عشان لما ربنا يكرمك وتشتغل ف الدعم الفني ما تفضلش تقول للناس ترستر الراوتر وتقدر تحل المشكلة .

كده أنا قولتلك ع المجال بشكل بسيط تعالى نتكلم عن الكورس نفسه بقى ،بص يهندسة هو مقسم المجال ده لكورسين ،أول حاجة هيبدأ معاك من الصفر وهيديك أساسيات الدعم الفني وكمان هيديك مدخل لشبكات الكومبيوتر ، ومش بس كده بوشكاش محفوظ بيضحي النهاردة 😂 هيديك كمان ف الجزء ده من الكورس أمن معلومات وكمان هيعرفك ع البنية التحتية للدعم الفني وهيعرفك ع إدارة النظام بإنه يعرفك على كل حاجة موجودة ف نظام التشغيل ، لحد هنا تمام ؟ كويس خالص .. خلينا نتكلم بقى عن الجزء التاني من الكورس 

الجزء التاني هيكلمك عن الـ Automation بإستخدام لغة البرمجة Python ، تمام كده ؟ هتاخد إيه بقى ف الجزء ده ؟ هيبدأ معاك أول حاجة بإنه يعلمك البايثون وإنك إزاي تشتغل بيه وتستخدمه ف التشغيل الاَلي ..

بعدها هيكلمك بقى عن التشغيل الاَلي ف الدعم الفني ، معايا أنت ؟ هيروح شارحلك بقى تشخيص وحل الأخطاء ، وإزاي تخلي النظام اللي هتكتبه يعمل كده لوحده ...

كده نبقى خلصنا التخصص الأول ، المهم تكون مصحصح معايا أنت عشان لسا هنتكلم شوية كمان 😂 

Data Analytics 

هنا بقى هيديك مدخل لعلم البيانات الواسع ، وهيبدأ معاك من أول حاجة وهي تعريف البيانات نفسها بعدها هيقولك أهمية البيانات وإزاي تستخدمها عشان تبني قرارات صحيحة ومظبوطة ، وتحضير البيانات قبل العرض أو الشرح ، وبعدها هيكلمك عن تحليل البيانات عشان يبقى عندك ردود للأسئلة اللي هتجيلك ، والمجال بتاع تحليل البيانات هيفيدك ف أي حاجة أنت هتشتغل فيها على سبيل المثال هيفيدك ف التسويق وفهم سوق العمل وحاجات تانية كتير .. معايا لحد كده ؟ 

خلينا ندخل ع الجزئية اللي بعد كده ..

User Experience Design 

الكورس ده هيبقى مفيد ليك لو أنت شغال في برمجة التطبيقات أو المواقع ، أو أي حاجة هتحتاج أنك تتعامل مع مستخدمين ، ف أنت لازم تكون فاهم عقلية المستخدم عشان تقدر تعمل تنبؤ بالحاجات اللي ممكن يعملها او الحاجات اللي تعجبه ف تضيفها ، هيشرحلك ف الكورس من الصفر هيعرفك إيه هو تجربة المستخدم وإزاي تعمل محاكاة للتجربة دي قبل ما تطرح المشروع بتاعك ، وشوية حاجات تانية هتعرفها بإذن الله لما تدخل ع الموقع بتاع الكورس  😂

يلا بينا بقى ندخل ف التخصص الرابع ونتكلم عليه برضو .. بس صلي على النبي الأول يا هندس .

Project Managment 

كالعادة هيبدأ معاك من مرحلة الصفر وهياخدك عشان يعرفك إيه هي إدارة المشروعات ، بعدها هيبدأ معاك بقى إزاي تبدأ مشروع وإزاي تخططله لحد مرحلة التنفيذ ، وبعدها بقى هيقولك إزاي تتعامل مع الموارد اللي عندك سواء بشرية او إقتصادية ، وشوية حاجات كده ف مجال إدارة المشروعات 😂

بص بقى يهندس خلينا نتكلم ف البرمجة 😂 والكورس الأخير هيكون فراولة البوست 😂 يلا بينا ..

Android Developing 

الكورس الأخير هيشرح برمجة تطبيقات الأندرويد للناس بدون خبرات سابقة ، الشرح هيكون للغة الـ Kotlin 

أول حاجة هتكون تحميل أندرويد أستوديو وتثبيته ، وبعدها هيكلمك إزاي تعمل تطبيق بسيط وتشغله ف الاستوديو ، ..

هيكمل معاك من مرحلة الصفر زي ما قولنا وياخدك لحد ما تعمل البرنامج الكبير اللي بتحلم بيه يضنايا 😂

طيب كده أعتقد إني كلمتك عن كل التخصصات بشكل سريع أهه ومبسط ، في ريحة سؤال حاسس بيها من هنا (الكورسات فين يا هندسة ؟!) بس أنا عشان حاسس بيك هجاوبك هالحين 😂..

-------------------------------------------------

الكورسات موجودة على كورسيرا ..

بص أنت هتدخل على اللينك ده اللي بينقلك على موقع جوجل :

https://grow.google/certificates

تمام ؟ هتلاقي الـ  5 كورسات موجودين قدامك ، اختار الكورس اللي أنت عاوزه وهتلاقي جنبها Get Started دي هتنقلك على لينك الكورس على موقع كورسيرا ، عظيم كده ؟ طبعا موقع Coursera ده مدفوع، يعني بيحتاج إشتراك شهري وكده ، بس طبعا احنا كحيانين يا اسلام 😂 ف أنت حضرتك المفروض تعمل إيه دلوقتي بقى ؟ هتدخل ع الكورس وهتلاقي مكتوبلك Financial Aid Available  هتروح دايس عليها وهيجيبلك طلب للحصول ع المساعدة المالية ، هتملى الخانات كلها ، تمام لحد كده ؟ هيقولك بعدها إن الطلب بتاعك إتبعت وهيدروا عليك بعد 15 يوم . كويس ؟ طبعًا مش هتستنى الـ 15 يوم عشان تبدأ ف الكورس ، هقولك هتعمل إيه ، جوا كل تخصص من دول هتلاي مجموعة من الكورسات ، ف أنت بعد ما تختار الخصص بتعاك هتدخل تختار اول كورس فيه بعدها هتلاقي كلمة Enroll for free (دي تجربة مجانية وبعدها هياخد منك فلوس ، ف ركز معايا بس واعمل اللي بقولك عليه) هتدوس عليها ، وهتنزل تحت خالص هتلاقي Audit the course دوس عليها ، وكده هتقدر تتابع الكورس عادي جدًا بس مش هيبقى ليك شهادة ، لحد بس ما الطلب بتاع المساعدة المالية اللي أنت قدمته فوق يتقبل وكده تقدر تاخد الكورس ببلاش والشهادة كمان .

____

ابدأ اتعلم دلوقتي و انشر الرابط ده علشان ناس كتير كمان تتعلم و أخيراً يعملوا اللي هما بيحبوه. و الدال علي الخير كفاعله.

https://grow.google/certificates/?utm_source=gDigital&utm_medium=ownedsocial&utm_campaign=certs&fbclid=IwAR0eLGxzqM1ZzAT8AfQXz_BRMrUH89Gn8KNYZMWbBIRgyoTNztElDvsDjFk#?modal_active=none

⚠⚠⚠

علما بان شهادة كمبيوتر سينس الجامعية لا تقدر بثمن لان من خلالها تقدر تشتغل في اي شركة بجميع المجالات اللي بتطلب شهادة جامعية ، وفي اي دولة في العالم .

========