إذا أرت أن تعرف مقامك عند الله ، فأنظر فيما أقامك ( شوف انت شغال ايه فى الدنيا ، وايه الثغرة اللى ربنا واقفك عليها ، ساعتها هتعرف مقامك عند الله

فى مدير شركة ( عنده 5 موظفين)الموظف #الأول :لما بيغيب عن شغله كتير المدير بيسأل عليه أول بأول وبيحاول يحل له مشاكله ، لغاية لما يخليه يرجع شغله تاني ويكون مركز فيه .الموظف #التاني : لما بيغيب عن شغله المدير بيسأل عليه ويشوف مشاكله ، ولكن لو حس انه عنده ظروف كبيرة ، هيسبه لغاية لما يرجع ، عشان عنده كذا حد بديل عنه.الموظف #الثالث: لما بيغيب عن شغله المدير بيسأل عليه فقط ، لكن من غير ما يسأل عن سبب الغياب هل حاجة كبيرة ولا حاجة بسيطة .الموظف #الرابع : لما بيغيب عن شغلهالمدير مش بياخد باله اصلا منه هو جه ولا لأ.الموظف #الخامس : المدير اصلا بيدور له على اى مأمورية يعملها برة الشركة ، عشان مش عاوز وجوده معاه فى الشركة.  .#ياترى_مين_أكتر_موظف_المدير_بيحبه؟؟أكيد بتفكر فى #الموظف_الأول.#ولله_المثل_الأعلىكل واحد فينا فى عمله فى الدنيا له مقام عند ربنا ، لما بيغيب عن عمله والثغره اللى واقف عليها ، الله عز وجل ( اما ييسرها لك كي تعود لعملك الطيب الذى تخدم فيه الناس مرة أخرى ، أو يعسرها عليك فى العودة لان النية لديك غير سليمة ).ابن عطاء السكندرى بيقول : إذا أرت أن تعرف مقامك عند الله ، فأنظر فيما أقامك ( شوف انت شغال ايه فى الدنيا ، وايه الثغرة اللى ربنا واقفك عليها ، ساعتها هتعرف مقامك عند الله ).أنا ليه بقول الكلام ده ؟؟؟الأسبوعين  اللى فاتوا دول كانوا صعبين جدا عليا تعب زوجتي (كذا مشكلة جت فى وقت واحد ) وفى نفس الوقت انا خدت دور برد شديد فصلني عن الحركة تماما  (الحمد لله )وده خلاني توقفت عن كل شغلى تقريبا لمدة اسبوع كامل.وكنت عمال اقول فى سرى ( انا لو كان نيتي طيبة فى شغلى ، كان الله عز وجل خفف عليا هذه المشاكل ، ورجعني على طول ، من غير اى عطله ).   ولكن مع التأمل وجدت اني غلطان 100%لأن فترة تعبي ، وتعب زوجتي ، ده كانت سبب فى تعديل وتطوير جزء كبير من افكارى فى شغلى للفترة الجاية ، ومكنتش هقدر اوصل لها غير لما افصل شوية من الشغل واقعد معملش حاجة (ده خلى الأفكار تترتب بشكل أفضل وتتعدل وتتطور وتنضج أكتر)وان الافكار اللى طلعت بيها ده هتكون سبب خير كتير اوى بإذن الله للناس الفترة الجاية .وده نبهني لنوع #سادس من الموظفين ان ممكن المدير هو اللى يطلب من الموظف الغياب لفترة ، بهدف تطويره ويرجع للشغل أفضل من قبل كده #ولله_المثل_الأعلى.فالله أسأل أنا أكون من النوع السادس أنا وباقي زملائي (خاصة فى هذه الفترة الصعبة ) وألا يحرمنا من العمل لدينه أبدا وأن يستخدمنا ولا يستبدلنا ، وأن يصحح لنا نيتنا أول بأول . اللهم آمين
للفاضل الاستاذ #محمد_سيف_الدين