نصايح وأنت رايح تشتري لتليفون جدبد

نصايح وانت رايح تشتري جهاز 

* بيقابلني بعض الناس وهي بتشتري بتركز جداً على حتة الهارد والكيسة نايمة ولا واقفة والشاشة تكون كبيرة ..... 

بص ومن الآخر ركِّز على البروسسر ( مخ الجهاز ) وظبط معاه الـ Ram واحفظها قاعدة في دماغك ان توافق الجهاز مع بعضه أحسن ما تقوم تعلي قطعة على حساب قطعة تانية زي مثلا بروسسر دوال كور مع رام 8 جيجا .. ده ظلم حقيقي وكفاءة الجهاز عمرها ما هتزيد عن أداء رام 4 جيجا 

* انواع المعالجات الجيدة في السوق طبعاً عائلة Core بأجيالها 2Due و I3 و I5 و I7 

* لو هتجيب كورتوديو هات معاه رام 2 جيجا مناسب ومع هارد 160 او 250  مع أي كارت شاشة كويس 

* لو هتشتري I3 هات معاه رام 4 جيجا وهارد 500 وياريت كارت شوشا ATI وما ما يعادله هيبقى السعر مناسب 

* لو عينك بقى على I5 يبقى لازم تظبط رام 8 وتجيب كارت شاشة عفي عشان مش هتصرف فلوس وخلاص حاجة زي نفيديا 1050 مثلا 

* لو انت راجل بقى هتشتري I7 يبقى من رام 8 او 16 ويكون كارت الفيجا مناسب حتى لو اشبه بالكارت اللي فات ومع العلم Alienware ده جهاز جبار جداً لكن محتاج إمكانيات مادية شوية لانه معدي ال 24000 لكن حاجة مناسبة جداً لو هيدير لك الجهاز دخل وهتستفيد منه 

الهارد للتخزين مالوش علاقة بسرعة الجهاز 

الشاشة دي حاجة للعرض مالهاش علاقة بقوة الجهاز 

كيسة واقفة أو نايمة المهم قطع غيارها متوفرة ولا لا 

هتصرف فلوس يبقى نسق بين الاجهزة وبلاش مبالغة في الرامات 

اعرف استخداماتك واشتري على أساسها وبلاش فكرة انا لازم اشتري اغلى واحلى حاجة دي مش حلوة ... بتضايق جدا للي بيجيب لعياله في ابتدائي جهاز راجل ديزاينر 

اذا استفدت من البوست ده وكملته للآخر تفتكر ايه اللي ناقص فيه وانا اكمله