مهم قوي عشان نحافظ على البدن اننا نهتم بالروح جداً ليحيا البدن قوياً معافاً سليماً ... هكذا هو السوفت والهارد وير

مهم قوي عشان نحافظ على البدن اننا نهتم بالروح جداً ليحيا البدن قوياً معافاً سليماً ... هكذا هو السوفت والهارد وير ... السوفت وير هي الروح بالنسبة للجهاز وعلشان كده لازم نهتم جداً بنظام التشغيل بتاعنا وننزل النظام المناسب لجهازنا ...

___ ايه ده !! هو كل جهاز مناسب ليه نظام ؟ ايوة طبعاً وهتلاقي كل جهاز على لوحة مفاتيحه أو استيكر أمام الكي بورد عليه اسم النسخة المناسبة ليه يعني أجهزة تلاقي عليها شعار 7 او 8 أو 10 أو Mac أو UBUNTU   علشان كده لو انا جهازي جيل أول يختلف عن التاني عن الثالث حتى السابع ؟

أيوة طبعاً ..

حتى لو إمكانيات عالية : طبعا 

طب ايه الافضل ؟

ركِّز بقى معايا في السؤال الجميل ده !!

الاجيال الأولى مع رام 2 جيجا ومعالج I3 أو حتى 5  مناسب ليه نظام تشغيل 7 ويكون 32bit لو علينا في الرام من 4 وطالع برضو 7 لكن من النوع 64 bit ... ... 

64 و32 ايه الكلام ده ؟ انا عارف ان ناس كتير نفسها من زمان تسأل عن الفرق بينهم ... الفرق بينهم جوهري حضرتك في الأداء والكفاءة والقراءة يعني اان لو جهازي عليه رام 8 جيجا ممكن اتفاجئ ان المستخدم من الرام والمقروء منها 2 جيجا بس والباقي طاير  ياباشا وأداء الجهاز بطئ جداً وفي نفس الوقت محمل على جزء من الرام جداً وباقي الرام فاقد دوره وأداؤه ومحتواه ... طب اعرف ده حضرتك منين ... بسهولة بنفس الطريقة اللي كلنا عارفيها بالضغط كليك يمين على Computer وقراءة الرام ونشوف بين قوسين بجوار الرام Usable كام ومن هنا تشوف الفرق يعني لو عندك رام 4 والمستخدم منها ( 3.65 ) ده طبيعي لكن ميكونش ( 1.89 ) لان كده هتحس ان فيه رام ملغي دوره اساساً وانت محمل عليه 

اما الاجيال من فوق الثالث لغاية السابع هنخلينا في 8 او 10 وياريت 10 لأن أداء 8 مش عاجبني أنا شخصياً وأحياناً مش بيكون بكامل كفاءته مع الجهاز لكنهم 8 او 8.1 او 10 ريحوا ناس كتير في حتة التعريفات لكن نحترس من جزئية التعريفات الافتراضية لانها ممكن لو عندك كارت انتل مع كارت ATI او نفيديا تلاقيه قاري الانتل توتال ومش قاريه صافي وكنا وضحنا في بوست سابق ايه الفرق بينهم والمعنى كده برضو ان الجيمس عندك مش هتشتغل بعد النسخة وهتقابلك مشاكل في تشغيل الفيديوز ولود البرامج العالية زي برامج التصميم وغيرهم ... يبقى مهم جداً تعرف ايه اللي مناسب لجهاز ..

بص دلوقتي للاب بتاعك وشوف الاستيكر الموجود جنب التاتش باد 

بص جنب المسطرة بجوار زر Fn وصورلي الشعار بتاعك وانا اقولك ايه المناسب لجهاز 

ادخل على خصائص الكمبيوتر وشوف المستخدم من الرام أد 

شيّك على كارت الشاشة وشوفه مقري صافي ونقري الكارت التاني ولا لا

حاسس بان امكانيات جهازه مناسبه مع سرعته ولا فيه فجوة بينهم

لازم تحس بالجهاز جدا هل طبيعي ولا لا وبعدين نشوف ايه أوجه القصور ونعالجها ....

للمعلومة يا جماعة Xp اتقطع دعمها من مايكروسوفت من أكثر من سنتين انا بستغرب ان فيه ناس لغاية دلوقتي لسه بتنزلها بس احيانا معذورين لاني عرفت ان الرام عندهم لسهة 512 وان المعالج من النوع سيليرون القديم فطالما هو شغال خلاص لكن الحقيقية الكفاءة مش هتبقى تمام ومش هيدعم تحديثات كثيرة على النت .... ده للعلم بس 

البوست القادم ان شاء الله عن ملامح عامة لتحميل الويندوز بطريقة صحيحة مع التعريفات الاصلية للجهاز ان شاء الله ... 

لعلي أكون أفدتك