المُخرج والشلة والضغط المجتمعي هما اللى بيحددوا للبعض يعيطوا على مين ... Titanic اللى بنشوفها كل يوم ..

 المُخرج والشلة والضغط المجتمعي هما اللى بيحددوا للبعض يعيطوا على مين ...

Titanic اللى بنشوفها كل يوم ..

---------------------------

..

عارف تايتنك ؟ كلنا عارفينها !

السفينة دي كان عليها تقريباً 2230 واحد انقذوا منها تقريباً 706 يعني تقريباً 1500 واحد ماتوا

في أحداث الفيلم مات تقريباً أغلب الناس بسبب الغرق قبل ما حد يعرف إيه مصير البطل والبطلة . البطل مات تقريباً بعد ساعات من غرق السفينة بسبب البرد وليس الغرق " ده في الفيلم "

كل الناس اللي اتفرجت ع الفيلم محستش بأي حاجة تجاة المئات اللي بيموتوا وبيغرقوا علي الرغم إن كان أغلبهم نساء وأطفال.

وكان كل أمنية الواحد وهو بيتفرج ع الفيلم إن البطل والبطلة ميمتوش !

البطل لو كان عاش ! كانت الناس هتخرج فرحانة إنه تم انقاذه !

مسألتش نفسك ليه مزعلتش على مئات الناس اللي ماتت وزعلت أوي على موت البطل ده ؟ على الرغم البطل إن ده في الفيلم كان بيلعب قمار وكان بيشرب خمر وكان بيسرق وزنا وعمل كل حاجة غلط ، وفي الآخر بردو اتعاطفت معاه وزعلت لما مات ؟!

على فكره هو مات في حادثة يعني " لم يقتل ! "

عارف ليه ؟

عشان المخرج عايز كده !

هو قدر يخليك تحب البطل أكتر من الأطفال اللي ماتت خلاك تتعاطف معاه علي كل عيوبه ؟!

طيب مسألتش نفسك هل يقدر المخرج إنه يخليك تكره واحد حتى لو كله مميزات ؟ آه يقدر بالعكس ده أسهل !

طيب ،،

عرفت ليه بقولك مش هيفرق 2000 واحد ماتوا !

حتى لو شوفتهم بعنيك بيصلوا ويصوموا وفيهم أطفال ونساء !

عرفت ليه مش هتتعاطف حتي لو شوفتهم بيتحرقوا أو بيتخنقوا أو بيتعذبوا !

سيبك من العدد حتى ولو 100 ألف واحد مات قدام عنيك بردو ولا هيفرقوا !

لإن للأسف المخرج مش عايز كده !

شوف مين اللي بيخرج المشهد وشوف تاريخه إيه ؟ هل بيظلم ؟

بقولك إيه متعتبره فيلم كان اسمه تايتنك رابعة ! يمكن يصعبوا عليك !

المخرج لو عايز كده كان قالك إن من اللي ماتوا كان فيهم مهندس أبوه بقاله سنين شغال شغلنتين عشان يجيبلوا مصاريف الكليه !

كان قالك إن من اللي ماتوا كان فرحه الاسبوع اللي جاي !

كان قالك إن أهالي الشهداء فرحتهم بالدنيا لما يلاقوا ابنهم مقتول برصاصة بس وجسمه سليم لا هو محروق ولا متقطع !

كان قالك حاجات كتير أوي !

لكن هو قالك حاجة تانية !

عارف احنا اتعودنا إنه يتقالنا ،، متعودناش إننا ندور بنفسنا !

احنا بقينا شعب درامي موسيقيى !

بيتأثر باللي يمثل ويكره اللي يقوله الحقيقة ،،

عشان كده هنفضل طول عمرنا عايشين في فيلم كبير بينتهي حسب مزاج المخرج !