لما اروح اعمل انترفيو ويسألني عن الخبرة

 أول ما اتخرجت و كنت بروح مدارس كتير اوي أعمل ديموهات و كده و كنت اتسأل عن الخبرة و أقول إني لسه متخرج و كده كان بيتبصلي بصه اللي هو ايه ده لسه متخرج ياختي جمال أمه عسله كوتي كوتي كوتي كده و الله بالظبط

و أنا خريج سنة الثورة 2011 فكان دمنا حر بقى و الشهامة واخدانه شباب بقى ماحنا كنا شباب فسألت رئيس قسم بعد ما اختبرني و ارسم خريطة و اشرح و بتاع و في الآخر لاقاني صغير و من غير خبرة فبيحاول يعتذرلي بشياكة يعني

قولتله هو ايه مشكلة الخبرة يعني هو أنا عندي مشكلة في الشرح رسم الخرائط بتاع قاللي لا و الله يا بني قولتله أومال صاحب الخبرة يفرق ايه عني غير إنه عايش بقالُه كتير 😂

الراجل و الله ما عرف يرد طول عمري مؤمن إنه البركة بالشباب و إنه الروح و الطاقة اللي عندهم بتميزهم مع احتياجهم في بعض الأوقات للتوجيه طبعاً المهم الغرض من كلامي إنك كمسئول في شركة و بنك و مدرسة ماتخنقش أصحاب الموهبة و تقتل موهبتهم بـ حجة " قلة الخبرة "