قواعد التربية الإيجابية

 قواعد التربية الإيجابية 

1-الحب غير المشروط، يعنى لو ابنك جاب درجات كويسة تحبية ولما يجيب درجات وحشة تخاصمية 

2-التلطف في التعامل مع الأولاد، يعنى ممكن وانتوا خارجين تعلمى اولادك عدم الاصراف او الغرور  وازاى يتعاملوا بدبلوماسية مع الناس .

3-ربى ابنك وكانه باحث علمى من الدرجه الاولى ، يعنى لو سالك على شئ هو ميعرفهوش اقعدى معاه وفهمية لو حتى حاجه انت متعرفيهاش ممكن تسالى الاب او تقراى انت وابنك كتاب بيشرح الحاجه دى.

4-فى كل الاوقات حسسى اولادك بالطمأنينة

5-ابعدى تماما عن صيغة التهديد عشان متكونيش الجزء المرعب من حياة ابنك .

6-لازم يكون عندك ذكاء عاطفي، تفهمى ابنك ماله او عاوز ايه من غير ما يطلب او يتكلم .

7-ركزي على الجوانب الايجابية اللى فى ابنك ونميها .

8-متتخانقوش قدام الاولاد .

9-خليكى فى تطور دائم وعلى دراية بكل اهتمامات ابنك عشان متسمعيش كلمة انت قديمة يا ماما 

10-دربي ابنك على التعامل مع مشاكل الحياة لان زى ما قلنا "اى تربية لا تاهل الى الحياة فهى تربية غير ايجابية "

11- خصصى وقت للحوار مع كل ابن مع ابنائك ، انت اه قاعدة معاهم طول اليوم بس لازم يكون فى حوار .

حاجات كتير جدا لو عملتيها كجزء من تربيتك هتفرق فى تكوين شخصيتهم وهتوصلى فعلا لنتيجة انك ربتيهم (تربية إيجابية)