فاحشة قوم لوط .. الشذوذ
في البداية لازم تعرف مين هو لوط ؟؟ 🤔
لوط يعتبر ابن أخو سيدنا ابراهيم .....
كان موجود في العراق وقت محاولة حرق ابراهيم ....
بعد خروج سيدنا ابراهيم من النار بمعجزة إلهية ، هدومه نفسها ملمستهاش النار ...
آمنت بيه وقتها امرأة اسمها" سارة " تزوجها ابراهيم عليه السلام ،
وآمن بيه ابن أخوه لوط ...
( فآمن له لوط ) *
________________________
سافر ابراهيم ومعاه زوجته سارة ولوط لبلاد الشام بأمر من الله عزوجل .....
( ونجيناه ولوطا إلى الأرض التي باركنا فيها للعالمين )
________________________
بعد كده لوط ساب عمه ،
وبقى مكلف بالنبوة وتبليغ الدعوة في مدينة اسمها سدوم " في الأردن ، وفي سبع قرى حواليها
ايه الفاحشة اللي عملها أهل سدوم ؟؟ 🤔
أهل سدوم اخترعوا فاحشة من أكبر الفواحش على وجه الأرض .....
بقت كبيرة من الكبائر اللي يعملها ينزل عليه غضب ربنا ...
فاحشة مكنتش تخطر على بال حد قبلهم ،
وبقت موجودة بسببهم ....
الفاحشة هي إن شهوة الراجل للراجل اللي زيه أكبر من شهوته لأي ست
( ولوطا إذ قال لقومه أتأتون الفاحشة ما سبقكم بها من أحد من العالمين * إنكم لتأتون الرجال شهوة من دون النساء )
كان أي حد سوي في المدينة بيتطهر ونضيف كان في نظرهم يستاهل الطرد ( أخرجوهم من قريتكم إنهم أناس يتطهرون )
ومكنش بيسلم من اعتدائهم أي ضيف ، وأي حد يعدي على المدينة بالصدفة
كانوا بيمارسوا الرذيلة في كل مكان ، في الشوارع والطرق والنوادي ( وتأتون في ناديكم المنكر )
🍀🍀🍀🍁🍁🍁🌼🌼🌼
6 مشاهد في قصة سيدنا لوط
🍀🍀🍀🍁🍁🍁🌼🌼🌼
المشهد الأول 🎬🎥📹
سيدنا لوط بيعدي على كل بيت ....
بيحاول ينصحهم يرجعوا للفطرة السليمة ....
بيقولهم البدعة اللي ابتدعوها دي من الكبائر وعقابها شديد ...
كان بيقولهم : ( أتأتون الذكران من العالمين * وتذرون ما خلق لكم ربكم من أزواجكم )
يعني تنكحون الرجال من أدبارهم ، وتتركون فروج النساء التي خلقها لله لكم للنكاح
فيقفلوا في وشه الباب ، ويرفضوا نصيحته
فيجيلهم سيدنا لوط تاني ويكلمهم تاني...
يقولهم ( أتوهن من حيث أمركم الله )
فيردوا عليه ويقولوا : ( لئن لم تنته يا لوط لتكونن من المخرجين )
هددوه انهم يطردوه بره البلد لو مبطلش يكلمهم عن الطهارة والقيم والأخلاق 😡
جاوبهم سيدنا لوط بثبات وشجاعة : ( إني لعملكم من القالين ) يعني هفضل كاره ومبغض للي بتعملوه
أعلنها ليهم بدون خوف وبدون تردد
أهل سدوم قالوها علانية للوط :
احنا هنفضل على شهواتنا ،
وهنفضل نعمل اللي بنعمله ومش هنبطله
قالوا : ( أئتنا بعذاب الله ان كنت من الصادقين )
مكنش فيه أي نصايح أو كلام ينفع مع ناس زي دول
🍀🍀🍀🍁🍁🍁🌼🌼🌼
المشهد الثاني 🎬🎥📹
في لحظة ضيق وحزن لجأ سيدنا لوط لربنا بالدعاء ☝
قال : ( رب نجني وأهلي مما يعملون ) 🙏
كان لوط عليه السلام ليه بنتين ....
الاتنين آمنوا بيه ...
وكانوا برضوا قلبهم بيتقطع من الألم والحزن بسبب تصرفات أهل المدينة
ربنا سبحانه بيوصف الوضع في المدينة على لسان الملايكة ان مفيش حد كويس غير لوط وبناته الاتنين ( فما وجدنا فيها غير بيت من المسلمين )
أم البنتين دول وزوجة لوط الأولى ماتت ...
تزوج بعدها لوط عليه السلام مرة تانية من واحدة من أهل سدوم ، كانت بتظهر ايمانها ... بس بعد كده تبين انها كافرة بتكتم كفرها
🍀🍀🍀🍁🍁🍁🌼🌼🌼
المشهد الثالث 🎬🎬
" مشهد ابنة لوط والملائكة "
ربنا أرسل ملائكة على شكل بشر عاديين عند سور المدينة ....
في الوقت ده كانت ابنة لوط بتملى ميه من النهر .....
سألوها :
هل فيه مكان نقدر نبات فيه الليلة دي ، لإننا على طريق سفر ؟؟؟ 🤔
شافتهم رجال وسيمين ، فخافت عليهم من أهل المدينة
في خوف وفزع طلبت منهم يهربوا بعيد ويرجعوا ، لكنهم مسمعوش كلامها 😳
زاد الخوف في أعين ابنه لوط وطلبت منهم ميتحركوش من مكانهم لحد ما تنادي أبوها يتصرف معاهم 😳
جريت ابنة لوط تنادي أبوها .... تستغيث بيه .....
🍀🍀🍀🍁🍁🍁🌼🌼🌼
المشهد الرابع 🎬🎬
" مشهد لقاء لوط بالملائكة "
لما عرف لوط من بنته ان فيه رجال وسيمين عايزين يباتوا في القرية خاف حد يشوفهم ويعتدي عليهم ....
جري سيدنا لوط في اتجاههم بأقصى سرعة ليه ....🏃
ربنا بيوصف مشاعر لوط في 3 جمل بشكل بديع ...
( سِيءَ بِهِمْ وَضَاقَ بِهِمْ ذَرْعًا وَقَالَ هَٰذَا يَوْمٌ عَصِيبٌ )
أول حاجة شعر بالاستياء من وجودهم ...
ودي مشاعره أول ما عرف الخبر من بنته ( سئ بهم )
تاني حاجة حاول لوط يقنعهم يمشوا ، فأصروا على البقاء ، فجائت جملة ( ضاق بهم ذرعا ) كتعبير انه مش لاقي حل معاهم
آخر جملة زي ما بنقول بالبلدي : هو يوم مش معدي ( هذا يوم عصيب ) .... استسلام تام نتيجة للرعب والخوف
سيدنا لوط وهو ماشي معاهم حاول يعرف منهم هم رايحين فين ..... عشان يوصفلهم طريق مختصر
لكن ردهم كان واضح ومحدد ..... انهم عايزين مكان يباتوا فيه الليلة دي
قرر لوط عليه السلام يستضيفهم عنده ،
وحذرهم ان لو حد غيره شافهم ، أهل البلدة هيعملوا معاهم الفاحشة
أجابوه بالسكوت وعدم التعليق
دول ملايكة العذاب .... هم جايين أصلا عشان السبب اللي هو بيحذرهم منه
🍀🍀🍀🍁🍁🍁🌼🌼🌼
المشهد الخامس 🎬🎬
" تسلل زوجة لوط ... واستعطاف لوط لأهل سدوم "
زوجة لوط شافت رجال وسيمة داخل منزل زوجها لوط .....
اتسللت من غير ما حد يحس بيها ، وجريت تعرف أهل البلد كلهم .....
قالتلهم : فيه ضيوف عند لوط غاية في الوسامة والجمال
في ثواني الخبر انتشر في البلد كلها
البلد كلها جريت ناحية بيت لوط في تدافع ....
كانوا بيعملوا الفاحشة مع بعض فتركوا بعض عشان يعملوها مع الضيوف ....
كلهم بيتسابقوا مين يرتكب الفاحشة الأول
( وَجَاءَهُ قَوْمُهُ يُهْرَعُونَ إِلَيْهِ وَمِن قَبْلُ كَانُوا يَعْمَلُونَ السَّيِّئَاتِ )
________________________
طلب أهل البلد من لوط ان الضيوف تخرج ليهم ....
في خوف واستعطاف ومحاولة أخيرة للنصيحة قالهم لوط :
( يَا قَوْمِ هَٰؤُلَاءِ بَنَاتِي هُنَّ أَطْهَرُ لَكُمْ ۖ فَاتَّقُوا اللَّهَ وَلَا تُخْزُونِ فِي ضَيْفِي ۖ أَلَيْسَ مِنكُمْ رَجُلٌ رَّشِيدٌ )
المقصود ببناتي هنا نساء البلدة بشكل عام ، اللي واقفين يشاهدوا هول الموقف ... لأنه اعتبر نفسه بالنسبة لهم بمثابة الوالد الخايف عليهم
بيقولهم : هن أطهر لكم .... 😓
حب يوجههم للفطرة اللي ربنا خلقنا عليها ....
ان النساء مهيئة للرجال طالما في الحلال ، وهي دي الطهارة
بيقولهم كمان : فاتقوا الله 😓
محاولة يائسة من لوط عليه السلام انه يفكرهم بربنا ، عشان ضميرهم يصحى
بيلمس النخوة جواهم ويقولهم : لا تخزون في ضيفي 😓
متكسفونيش قدامهم ، وتلحقوا بيا العار
متعتدوش عليهم ، وتجردوهم من ملابسهم ، وتجبروهم على عمل الفاحشة
________________________
..... رد عليه أهل البلدة باستهزاء وقالوا :
( لَقَدْ عَلِمْتَ مَا لَنَا فِي بَنَاتِكَ مِنْ حَقٍّ وَإِنَّكَ لَتَعْلَمُ مَا نُرِيد )
سيطرت عليهم الشهوة ، وأصروا على الضلال والبعد عن الفطرة السليمة
شعر سيدنا لوط بالضيق والحزن والضعف لما شاف في عين أهل البلدة اصرارهم انهم يخزوه ويفضحوه 😓
( قَالَ لَوْ أَنَّ لِي بِكُمْ قُوَّةً أَوْ آوِي إِلَىٰ رُكْنٍ شَدِيدٍ )
ركن شديد يعني رغبة لوط انه يكون في لحظتها ليه ركن شديد من أولاد وأهل وعشيرة يحمي الضيوف بيهم من تدافع القوم على الباب ....
سيدنا النبي لما كان بيقرا الآية دي كان بيقف عندها ويقول ( رحمة الله عليك يا لوط لقد كنت تأوي إلى ركن شديد ) ...
يقصد حماية ورعاية الله سبحانه وتعالى
في هذه اللحظة تدخلت الملائكة رسل العذاب .....
وقالوا للوط عليه السلام : متخافش مش هيحصل فينا حاجة ، احنا جايين عشان مأمورين بايقاع العذاب في القوم الكافرين ....
ومأمورين نحافظ على سلامتك انت وأهلك ، إلا زوجتك هيصيبها زي ما يصيبهم ...
فهمسو اليه يخرج هو وبناته في الليل ويترك البلدة
( قَالُوا يَا لُوطُ إِنَّا رُسُلُ رَبِّكَ لَن يَصِلُوا إِلَيْكَ ۖ فَأَسْرِ بِأَهْلِكَ بِقِطْعٍ مِّنَ اللَّيْلِ وَلَا يَلْتَفِتْ مِنكُمْ أَحَدٌ إِلَّا امْرَأَتَكَ ۖ إِنَّهُ مُصِيبُهَا مَا أَصَابَهُمْ )
🍀🍀🍀🍁🍁🍁🌼🌼🌼
المشهد الأخير 🎬🎬
" مشهد العذاب "
شاور سيدنا جبريل باصبعه فاتعمى الناس أمام الباب
( ولقد راودوه عن ضيفه فطمسنا أعينهم فذوقوا عذابي ونذر )
الملايكة اللي في شكل بشر طلبت من لوط انه ياخد بناته ويخرج بره البلده فورا ....
وأمرته ميبصش وراه !!!
ليه الملايكة طلبت من لوط ميبصش وراه ؟؟ 🤔
لأن شكل العذاب نفسه ، وانتقام ربنا منهم ... من قسوته وصعوبته ورعب الموقف ميستحملوش بشر
فلو بص لوط وبناته وشافوا ايه اللي بيحصل ....
ممكن يسقطوا مغشي عليهم من صعوبة المنظر ...
من عادات اللي بيهاجر من مكان انه يبص وراه قبل ما يسيب المكان ، من باب الحزن والحنين .... عشان كده وجب التحذير
________________________
الملايكة قالت للوط لما استعجلهم موعد العذاب ، استعجالا لنصرة الله ( إن موعدهم الصبح * أليس الصبح بقريب )
تأخير موعد العذاب سويعات كان فيه رحمة للوط وبناته ....
انهم يلحقوا يبعدوا مسافة كافية فميشوفوش العذاب وهو بيحصل
________________________
ربنا أمر جبريل عليه السلام ينتزع السبع مدن من الأرض ، ويرفع السبع مدن بطرف جناحه عالي في السما ....
ويقلبهم مرة واحدة في الأرض بقوة
يخلي أسفلها عاليها ... وعاليها أسفلها
وأثناء ما هم بيتقلبوا ونازلين على الأرض .... ربنا نزل عليهم حجارة من جهنم ....
حجارة مشتعلة متحجرة متتابعة بتنزل بقوة من السما ...
( فَلَمَّا جَاءَ أَمْرُنَا جَعَلْنَا عَالِيَهَا سَافِلَهَا وَأَمْطَرْنَا عَلَيْهَا حِجَارَةً مِّن سِجِّيلٍ مَّنضُودٍ )
ربنا خصص ليهم حجارة من جهنم مكتوب عليه أساميهم من فظاعة الفاحشة اللي بيرتكبوها ....
وأي حد هيعمل زيهم هيستحق نفس الحجارة باسمه.. حجارة مشتعلة هتفضل تضرب في أجسامهم ( مسومة عند ربك للمسرفين )
انتكست المدن وغاصت في الأرض تماما ، وانفجر الماء وغطاها ( فأخذتهم الصيحة مشرقين * فجعلنا عاليها سافلها )
الصيحة أصوات مرعبة متتابعة ...
أصوات سمعها لوط عليه السلام وبناته رغم ابتعادهم
________________________
مكان المدن السبعة دلوقتي أصبح بحيرة شديدة الملوحة ، كثافة المايه فيها أشد من كثافة المياه المالحة
( البحر الميت حاليا ) اللي معروف عنه انعدام الحياة فيه لشدة ملوحته
العلماء اكتشفوا وجود صخور معينة في البحر الميت ، بتوحي بانها كانت شهب مشتعلة ، وهي وصف للحجارة اللي اتضرب بيها قوم لوط
ربنا خلى مكانهم موجود من بعدهم ....
عشان العبرة والعظة من القصة متنتهيش
( وَلَقَدْ تَرَكْنَا مِنْهَا آيَة بَيِّنَة لِقَوْمٍ يَعْقِلُونَ )
( وَإِنَّكُمْ لَتَمُرُّونَ عَلَيْهِمْ مُصْبِحِينَ * وَبِاللَّيْلِ أَفَلَا تَعْقِلُونَ )
يعني أهل مكة كانوا في رحلاتهم التجارية للشام ،
بيمروا صبح وليل على المكان اللي فيه مدينة سدوم ...
فالأولى باللي يشوف المكان ده انه يتعظ ويتعقل
القصة دي عشان الناس اللى بتقول ان الشذوذ ملوش علاقه بالدين وانهم مولودين كده ومن حق المجتمع يعترف بيهم 😡
( إن في ذلك لآيات للمتوسمين )
المتوسم : هو اللي بيتأمل في القصة ، مش بيسمعها على انها قصة وخلاص ، اللي بياخد بالأسباب ونتايجها ويعتبر بيها
🍀🍀🍀🍁🍁🍁🌼🌼🌼
كلمتين مهمين جدا جدا .....
حاشاه ربنا سبحانه وتعالى يجيب لنا حد أو شخص عنده مرض نفسي أو مسكين ...
لا حضرتك ، ده انتكاس فطرة وعقوبته حد من حدود الله
حضرتك ده ذنب عظيم اتعذب بيه قوم نبي واتخسف بيهم الأرض
حضرتك الصح النصيحة له بدون تعاطف
قوم لوط اللي ربنا أمره قبل ما يعذبهم قال لنبيه
(ولا يلتفت منكم أحد)
انت مطالب كمؤمن تنصحهم ثم تستبعدهم
... مش تناصر حقوقهم انهم يطلعوا على الشاشات ويتعملهم حفلات
( الأدهي من كده محاولة الأوباش دول فرض احترام الانحطاط والشذوذ ده علي الناس بالعافية وانه مينفعش تنتقدهم وخليك في حالك طالما مش بيأذو حد ... واحنا مش أنبيا ، وزي ما بتحكم على غيرك هيحكموا عليك بلا بلا بلا )
________________________
بالنسبة لموضوع الشذوذ ركز في الكلمتين دول كويس أوي...
ربنا أمر الملايكة تمر بسيدنا إبراهيم تبشره بولادة ( اسحاق ) اللى هو بعد كده هيبقى أبو سيدنا ( يعقوب ) اللى هو أبو سيدنا يوسف اللى ملك الأرض
الملايكة مرت بسيدنا إبراهيم وبشرته بولادة إسحاق وقالوله إنهم فى طريقهم لإنزال العذاب بقوم ( لوط ) ولو متعرفش إن سيدنا لوط كان فى نفس التوقيت اللى كان فيه سيدنا إبراهيم ، فأنا بقولك أهو علشان متتوهش منى
سيدنا إبراهيم قال للملايكة : ( إن فيها لوطًا ) كان خايف إن العذاب ينزل على لوط مع قومه
الملايكة بشروه البشرى الثالثه : ( نحن أعلم بمن فيها لنُنجينه وأهله إلا امرأته )
الملايكة راحوا لسيدنا ( لوط ) فى شكل شباب شكلهم جميل ونزلوا ببيته على انهم ضيوف عابرى سبيل وهو ميعرفش انهم ملايكة ....
زوجة سيدنا لوط نزلت جرى على قوم لوط وقالتلهم فى شباب فى بيتنا شكلهم جميل ، علشان القوم يتجمعوا ليفعلوا بهم فعلة قوم ( لوط ) ، زوجة سيدنا لوط كانت معترفه بحقوق ( المثليين ) ركز معايا
سيدنا لوط دافع عن الضيوف أمام قومه وقالهم روحوا تزوجوا أفضل من بنات القرية ، قوم لوط فجأة ربنا عماهم عن الضيوف مبقوش شايفينهم ... قرروا انهم فى اليوم التاني مش هيسكتوا غير لما يعملوا الفاحشه مع ضيوفه ....
الملايكة قالوا لسيدنا لوط أخيرا انهم منزلين لإنزال العذاب وأنه لازم يغادر بالليل ( فأسر بأهلك بقطع من الليل ولا يلتفت منكم أحدٌ إلا امرأتك إنه مصيبها ما أصابهم )
شوف بقى معايا .... 👇👇
شوف كام بشرى فى القصة دى👇👇
أولا : البشرى باسحاق
ثانيا : البشرى بهلاك قوم لوط
ثالثا : البشرى بنجاة نبى الله لوط
وكل ده حصل فى عهد أبو الأنبياء ، اللى ربنا قال فيه ( إن إبراهيم كان أُمة )
زوجة سيدنا لوط ( المؤيدة لفعل قوم لوط ، ولم تفعله ، فقط مؤيده وتدافع عن حقوقهم ) أصابها نفس عذاب القوم
________________________
الدروس المستفادة بقى
لما تلاقى ناس بتصر على أفعال قوم لوط كده ، إعرف إن ربنا هيجعل لو أصور على فعلتهم موعدهم الصبح أليس الصبح بقريب ....
لما تلاقى الشذوذ .. من قومنا ومن أقرب الناس إلينا بيأيدوا ويدافعوا عن حقوق منتكسى الفطرة دول تعرف على طول إن ربنا مش هيستثنيهم من العذاب اللى هيقع على الشواذ بالضبط ( إلا امرأتك إنه مصيبها ما أصابهم )
بعد الإصرار. على فعلتهم يجب أن نقاطعهم تماما ولو كانوا أقرب الناس ليك ....
وعادهم فى الله ، علشان لما الصيحة تنزل عليهم وربنا يخلي عاليها سافلها عليهم ، يستثنيك انت من العذاب ده دنيا وآخره وميجمعكش بيهم طالما أعذرت له أنك عاديتهم
الأيام دي المثليين منتشريين بأعداد رهيبة جدا في العالم.... وفيه ناس بتدافع عنهم على انه ده مرض مع ان الدول الغربية بيعتبروه أمر طبيعي وفي رئيس وزراء شاذ
المهم اوعى يغيرولك فطرتك
وتصدق كلامهم ان الشذوذ مرض وعايز يتعالج ويا حرام دول مساكين ونتعاطف معاهم ونعالجهم والهري ده
ربنا حاطط في المسألة حد ......
اه في حد للواط حضرتك بعد الشهود قتل الفاعل والمفعول به وبعض العلماء اختلفوا في كيفيه تطبيقه من رجم أو رمي من أعلى شاهق أو أو ... وراجعوا الحد فقهيها لو عايزين تعرفوا أكتر
هناك ظلم لا ينتهي إلا بالعدالة الإلهية زي ظلم النفس ... زي حكم فرعون و كانت نهايته على يد الله ... وكذلك قوم لوط واللي يعمل زيهم ... وقوم ثمود و عاد و غيرهم ...فلو استصعب علينا استئصال الشيء فلينتظر عقاب الله.
اسأل الله لهم توبة قبل الممات .... وأسأل الله لنا االثبات
اللهم آمين
اللهم آمين
اللهم آمين
🍀🍀🍀🍁🍁🍁🌼🌼🌼
المصادر :
كتاب قصص الأنبياء المسمى بعرائس المجالس
تفسير ابن كثير
تفسير القرطبي
تفسير الطبري
قصص نبيل العوضي
قصص الشيخ الشعراوي
كتاب أنبياء الله
الشذوذ المنتشر في عالم اليوم لمصطفى عبد الناصر
تعليقات
إرسال تعليق