أزمه كورونا والفراغ اللي احنا فيه خلت البشر تطلع اسوء ما عندها ويخلونا ندرك قد ايه احنا عايشين في خطر محاوطنا من كل الاتجاهات.
أزمه كورونا والفراغ اللي احنا فيه خلت البشر تطلع اسوء ما عندها ويخلونا ندرك قد ايه احنا عايشين في خطر محاوطنا من كل الاتجاهات...
ركزوا معايا كويس
من امبارح بعمل سيرش وبحاول أوصل لكلام موثوق لتأمين موبيلاتنا وحسباتنا وازاي نعرف اذا كان موبيلاتنا وحسباتنا مهكره ولا لا..
وانا بعمل سيرش لقيت فيديوهات لاستشاري أمن معلومات اسمه وليد عبدالمقصود اتفرجت على كذا فيديو ليه وطلعت بحاجات مهمه منها * لو حد حابب يراجع ورايا يعمل سيرش بأسمه ع اليوتيوب ويتفرج ع فيديوهاته*
الموضوع طلع أكبر من عيل تافه وصل لصور بنات ونزلهم ع التليجرام، لا ده في عصابات عالميه بتلم داتا عشوائيه وتبدأ تفرزها وتبيعها لمواقع تجاريه او إباحيه أظن معظمنا يعرف ده ، العصابات دي ممكن توصلنا ازاي؟
- عن طريق المواقع الغير أمنه، مثال : "شوف انت شبه مين من المشاهير" وهكذا
- عن طريق تحميل تطبيقات غير أمنه بتاخد موافقتك للوصول لمعلوماتك وانت بتوافق من غير ماتفهم " زي تطبيقات الـ games وتطبيقات التعارف وتطبيقات حمايه الصور والفيديوهات ومنزله اسكرين لأمثله من تطبيقات عند اغلبنا واحنا منعرفش انها خطر
طب ازاي شخص عادي يقدر يوصل لبياناتنا وكمان يتجسس علينا؟
-عن طريق فتح رابط ( بلاش فتح لينكات لو مامتك اللي بعتالك اللينك متفتحهوش)
-عن طريق مكالمه برضوا
-عن طريق واي فاي ( زي اللي بنلاقيهم بدون كلمه سر)
- عن طريق انه يمسك موبايلك وينزل تطبيق تجسس عليه وطبعاً التطبيقات دي بتشتري بفلوس عشان لو حد عايز يتجسس ع حد يعرف هو فين وبيعمل ايه ويقدر يصوره فيديو او صور عاديه وهو في البيت أو أي مكان وطبعاً التطبيق ده بيكون معموله إخفاء وانتي متعرفيش انه عندك اصلاً
- بلاش توصل موبايلك بلاب توب زميلك في الجامعه / الشغل.... هكذا
ازاي أعرف أن موبايلي عليه برنامج تجسس او متهكر.. أستاذ وليد عبد المقصود قال في الفيديو على 3 أكواد لو اتصلت بكود منهم وحولك ع خدمه العملاء وقالك الرقم غير صحيح يبقى انت كده أمان، لو طلبت كود منهم وظهر تطبيق انت مش منزله عندك يبقى انت كده متهكر
الأكواد :
#2013*
#9930*
#1344*
#21#*
- اي ابلكيشن غريب هتلاحظه عندك هتمسحه واي ابلكيشن من اللي قولت عليهم فوق عندك امسحه واقفل الموبايل وشغله تاني..
أستاذ وليد قال علي حاجه تحمينا اكتر برضوا وهما برنامجين موجودين ع البلاي ستور وظيفتهم انهم بيقفلوا الكاميرا والمايك عندك من جميع التطبيقات وكاميرا الموبايل نفسه كمان وحمايه ليكي إنك تكوني قافله الكاميرات طول الوقت ومتفتحهمش غير لما تيجي تتصوري،
من كام سنه طلع كلام ان الماسنجر والواتساب بيصور الناس بدون اذنهم دي مكنتش إشاعه ده كان بجد، فـحمايه لينا من التطبيقات العاديه وتطبيقات التجسس ان ننزل التطبيقات دي وتكون الكاميرا مقفوله طول الوقت
( Camera blocker - Microphone block)
وبرضوا منزل اسكرين ليهم
- حاجه تانيه مهمه قال عليها
بلاش تشتري موبايلات او لاب توب من أماكن مجهوله سواء جديد أو مستعمل عشان ممكن يكون فيه تطبيق تجسس وانت برضوا مش هتشوفه
- كل ما الموبايل بتاعنا بيعمل Update جديد ده بيقلل من وجود الثغرات وكل ما كان الاندرويد عالي كل ما كان طريقه تهكيره صعبه، فـ لما ينزل Update جديد للموبايل اعمليه
- قالنا برضوا ع ابلكيشن يقدر يكشف المكان اللي انت فيه موجود فيه كاميرا مخفيه بتصورك ولا لا زي بروفات المحلات اما نروح نشتري لبس، بتفتح الابلكيشن وبتمشيه ع المكان ولو لقيت نقطه حمرا يبقى موجود كاميرا اسمه
( Glint finder) موجود في بلاي ستور
ومنزل صورته برضوا اسكرين
*نصيحه *
بلاش تبعتي صور شخصيه حتى لو لصاحبتك انتي مش ضامنه لازم تدركو اننا عايشين في خطر ، بلاش تفتحي روابط ارجوكي، بلاش تردي ع أرقام غريبه، بلاش تفتحي اي واي فاي متعرفهوش او هوت سبوت، صورك ع الفيس بوك او الانستجرام تكون برايفت مش اي حد تقبليه عندك واي اكونت مجهول الهويه مش حاطط صورته ومتعرفهوش متقبلهوش ولو عندك اعملي بلوك... رقمك مش اي حد ياخده المقربين منك اللي بتثقي فيهم بس،
بلاش تثقي في حد ارجوكي والصور اللي تخافي ان حد ياخدها بلاش تنزليها...
- لو اتعرضتي لتصوير في الشارع، أو حد سرق صورك واتعرضتي لتشهير او ابتذاز متخافيش مباحث الانترنت عامله شغل كويس جدا وبيكون في سريه تامه وحقك بيرجع بدون علم الأهل فـ ارجوكي اعملي بلاغ بدون تردد
أرقام مباحث الانترنت :
108
01126977222
01126977444
01126977333
تعليقات
إرسال تعليق