لو عديتي ال 30 و داخله على ال40 أو 50 هأفكر نفسي وإياكي بشوية أفكار مش نصايح محتاجين نعملها stick notes فكل حتة حوالينا

لو عديتي ال 30 و داخله على ال40 أو 50  هأفكر نفسي وإياكي بشوية أفكار مش نصايح محتاجين نعملها stick notes فكل حتة حوالينا 

• أول حاجة وبادئ ذي بدء ...أبو شكل اللي يزعلك 🙈.... ودي لازم تقوليها وانتي مقتنعة بيها وواخدة نفس عميق أيا كانت الاسباب لان كل حاجة نسبية.🙈😛

• غيري طريقة اكلك، ونوع اكلك، ومواعيد اكلك لان معدل الحرق اختلف عن العشرينات

• اشربي مياه كتير لأنها هتفرق في صحتك ونضارة بشرتك

• اتحركي كتير ... جيم، اتمشي، كدة يعني هتفرق معاكي نفسيا جدا 🙈

• اعمليلك قايمة على الساوند كلاود أو اي بلاي للموسيقى فيها المزيكا اللي بتحبيها او الاغاني اللي بتظبط مودك 🙈

• اقري ... حتى لو ما بتحبيش القراية حاولي🙈... الروايات الحلوة بتعيشي فيها حياة ... لو ما كنش شوفي الافلام الحلوة الملهمة واتفرجي عليها 

• الصاحب ساحب🙈 ...ابعدي عن الناس الساحبة للنكد والنفسنة وحرق الدم ...حاوطي نفسك بناس لطيفة 

• ابعدي عن اللي كل دورهم ف حياتك الانتقاد والنصيحة بنية «اصلنا خايفين عليكي، وعارفين مصلحتك.» البوست دة اصلا عشان عديتي ال 30 يعني عشتي وقابلتي في الدنيا ما يكفي اللي يخليكي تعرفي مصلحتك واللي يريحك ... ماتغيريش نفسك عشان ترضي حد 

• ماتخليش الدنيا والناس تقتل البنت الصغيرة الحلوة اللي جواكي وتحولها لقرشانة وحيزبون... البنت دي حياتها مهمة جدا جدا لحياتك 🙈

• ما تفنيش نفسك ف حد ولا حاجة لا شغل، ولا بيت ولا غيره كله بالعقل التفاني شيء غير صحي ...العلاقات المتوازنة صحية لشغلك وبيتك ونفسك 🙈

• لو ليكي هواية سيبتيها ارجعي مارسيها حتى لو على الضيق it's never too late 

💃💃💃💃💃💃