بعد 3 شهور من الأزمة هنلاقي كل حاجة إتغربلت بسبب ڤيروس كورونا وبانت على حقيقتها

#كورونا_هتغربل_حياتنا 👌

بعد 3 شهور من الأزمة هنلاقي كل حاجة إتغربلت بسبب ڤيروس كورونا وبانت على حقيقتها!!

الزوجة اللي قالت لجوزها انزل شغلك وزي ما تيجي تيجي ولا هتفضل قاعدلي كدة.

إتغربلت

من اللي قالت لجوزها ناكلها بملح ولا تحصلك حاجة وأخسرك.

الزوجة اللي بتبص لجوزها وبطبطب علية وتقولة متخافش كله هيعدي وهتبقى فل.

إتغربلت

عن الزوجة اللي بتعاير جوزها وتقولة الدنيا خربانه انزل شوفلك صيدلية ولا سوبر ماركت اشتغل فيهم.

اللي ليه فلوس ورفض ياخدها لأن الدنيا واقعة.

إتغربل 

من اللي قال أنا كمان مزنوق اتصرف وهات فلوسي.

صاحب الملك اللي قال ابقي هات الايجار براحتك لما تشتغل أو قلل منه.

 اتغربل 

من اللي طلب ايجاره فورًا في معاده.

 أهل الخطيبة اللي بيقولوا مالناش فيه إحنا متفقين على معاد. 

 ‏إتغربلوا

 عن اللي قالوا متخافش ربنا كبير احنا معاك.

 اللي عايزة تدبحك وتقولك أهلي بيسألوني هو ناوي على إمتي.

 ‏ اتغربلت 

عن بنت الأصول اللي قالت لخطيبها طالت ولا قصرت أنا معاك وفـ ضهرك.

 العروسة اللي مصممة على فرح ومعازيم.

 إتغربلت 

من اللي قالت نتجوز ونروح عادي المهم أكون معاك.

الصاحب او الاخ اللي قولتلة إنك محتاجله في خدمة او انة يساعدك في شغل لأنك عارف انة يقدر يساعدك ونفضلك.

إتغربل 

عن الصاحب او الاخ اللي ظروفه على قده وعرض عليك المساعدة من نفسه.

أصحاب الشغل اللي إنت بالنسبة ليهم عبد ملكش سعر.

إتغربلوا

عن أصحاب الشغل اللي بيحترموك وشايفينك لحم ودم.

حرفيًا بعد الأزمة دي كل حاجة هتتغير (دول، شركات، بيوت، علاقات، مشاعر) وحاجات كتير تانية هتنتهي وغيرها هيبتدي.

غربل حياتك بالفترة دي يا صديقي وشوف مين معاك ومين عليك وبعد الأزمة إبتدي على نضافة.