من الدروس اللي اتعلمتها فى ايام الكورونا
- ماينفعش تعتمد على مصدر رزق واحد.
- مشروع شخصي جنب شغلك.
- فلوس على جنب احتياطي للطوارئ تعيشك على الاقل ٣ شهور وده مش اوبشن ده شئ لازم يتعمل في اللي جاي.
-تصدق عن صحتك بمساعدة الناس لانها ممكن تروح بسرعة .
- حب اهلك اكتر .
-اهتم بصحتك ومناعتك .
-اللي اتصدق بفلوس في عز الأزمة دليل انه عارف ان الرازق الله وفرق كبير بين شخص عارف وشخص بيردد وخلاص.
-لو الكورونا اثرت بشكل كبير على مصدر دخلك يبقى انت كنت ماشي غلط ومعندكش افكار جديدة وعايش بفكر الحفظ وشخص نمطي.
-الحياة فجأة طلعت غالية عند الكل حتى اللي من يومين قال انه عايز يسيبها
-ان ربنا بيبعت لنا كل يوم درس يعرفك قدرته عشان يوم القيامة مايبقاش لنا حجة اننا كنا مشغولين في ساقية الدنيا وملحقناش نقرب من بابك يارب
- الايام العادية المملة نعمة
-الانسان دايما بيدور على الناقص ومابيعرفش يستمتع باللي يملكه
- ان مابطلش اردد الدعوة دي اللهم انك عفوا كريم تحب العفو فاعفو عنا
-الناس اللي بتفارق الحياة كتير اوي ومش بسبب الكورونا وبس
-الكورونا جاية لناس معينة وبأسامي معينة ملكش حول غير انك تاخد بالاسباب وتطمن اللي حوليك
-النفسية الحلوة تبعد المرض والعكس
-الشخص القوي نفسيا مهم زي الشخص اللي صحته حلوة
- عرفت حجمي كويس وشوفت جملة لا حول ولا قوة الا بالله في نفسي واتاكدت منها .
تعليقات
إرسال تعليق