رسالة إلى المدرس اللي بيمنع الغش في الامتحانات 👆
ممكن أعرف يعني حضرتك بتمنع الغش ليه ؟ ✋
عارف حضرتك كده بتعمل إيه في الولاد اللي بتمنعهم يغششوا بعض ؟
عارف يعني إيه لا تستجيب لاستجدائهم المتمثل في استخدامهم كلمات أمثال ( اعتبرني ابنك يا مستر ) أو ( يا ميس احنا زي ولادك ) ؟
طب عارف أنت بكده بتعمل إيه في أهاليهم في البيت اللي بيقعدوا قلقانين ويدعوا لهم إن اللجنة بتاعتهم تكون مش شديدة والمراقبين يكونوا متساهلين ؟
عارف أنت كده بتعمل إيه ؟!
أنا أقولك 😊
.
.
.
.
.
.
.
.
.
.
.
.
أنت كده ببساطة شديدة بتقف عائق وسد منيع ضد إن عشرات وإن لم يكن مئات من المرضى يموتوا أو يتعرضوا للأذى بسبب طبيب فاشل
أنت كده بتحمي المجتمع من انهيار مباني وسدود ومرافق من تحت راس مهندس غير كفء
أنت بكده بتمنع وجود محامي غير شريف
أنت كده واقف عقبة ضد ظهور موظف مرتشي
أنت كده مش هاتخلي فيه فرصة لوجود معلم غير قدوة
أنت كده مش هاتسمح لنا نشوف مسئول فاسد
أنت كده حجر عثر في طريق الإنسان الوصولي والمتسلق
أنت كده مشكلة كبيرة قوي في حياة مشروع لص محترف
طب أقول لك بقى عملت إيه في أهلهم !
أنت كده بتحمي أهلهم من التعرض في المستقبل لمصائب جلل بسبب جرائم أبنائهم اللي فوق دي 👆
..
فهنيئاً لك
تعليقات
إرسال تعليق