طيب مش ان الاوان الدولة تفكر شويه ؟.. انت حليت ازمة السيوله فى ٢٠١٣ بقروض كبيره .. ضاعفت الدين الخارجى اكتر من مرة .. النهارده انت بتستلف تانى .. وبعد كام سنة هترجع تستلف .. وكل مرة الفاتورة بتبقى اكبر .. طب وبعدين ؟.. امتى هتفهم ان الكبارى والمقاولات مش تنميه مستدامه ؟.. مش انجازات اقتصاديه اصلا !..
.
انت متخيل .. انت مش قادر تعمل حظر اسبوعين !.. البترول بقى ارخص من شوربة الاندومى وانت منزلتش سعر البنزين !.. طيب انت لو فتحت الدنيا بعد العيد .. هل مدخولاتك من تحويلات المصرين فى الخارج التى تقترب من ال ٣٠ مليار دولار هترجع ؟.. بمعنى هل مشكلة دول الخليج ان انت قافل اقتصادك ؟.. هل مدخولاتك من السياحه التى تقترب من ١٥ مليار دولار هترجع ؟.. طيب الحاجات دى كانت شغاله وانت بتتزنق وتستلف .. لما تقف هتعمل ايه ؟..
.
ان الاوان الدولة تفكر فى الناس .. اللى رجعوا من بره .. هيعملوا ايه ؟.. اللى بيشتغلوا فى السياحه .. هيعملوا ايه ؟.. الناس الغلابه اللى حالها وقف .. الصنايعيه .. القهاوى اصحابها واللى شغالين فيها .. المدرسين اللى تقريبا مش هيشتغلوا قريب .. مش ان الاوان نفكر فى اقتصاد حقيقى قايم على الانتاج والتصدير بعيدا عن فرض الرسوم والجبايات على الطرق وبيع الطاقه للمواطنين باضعاف تكلفتها والاقتراض لتشغيل المحاسيب فى المقاولات ..
تعليقات
إرسال تعليق