ما اجمل قضاء الله

أنا لما اتجوزت ٢٠ سنة مكنتش فاهمة آوي نتيجة القرار ده
بعد الجواز بسنة أو آتنين ابتديت أندم أزهق
مش واخدة ع الخدمة ف البيوت غالبا
فجأة لقيتني بطلع الفرخة الصبح و بنام بدري عشان اصحي بدري أغير و اشطف و أروح الشغل و ارجع اغدي و انيم

متغربة ف بلد و معايا بنت و هي عندها سنة و نص هوووب لقيتني حامل تاني و تالت

عارفين عرفت أمتي ربنا عاملي الاصلح ؟؟
لما قالولي و أنا عمري ٢٩ سنة إني لازم اشيل الرحم و المبايض و إني هتحرم من إني ابقي أم قبل التلاتين

عرفت ربنا حط ف طريقي أحمد أمتي و ليه ؟
لما بتكلم مع جوزي بيقولي أنا مكنتش ناوي أتجوز قبل ال ٤٠ فجأة لقيتني أب و أنا ٣٠ سنة
مش فاهم لييه

نفس الحكاية لو اتأخرت ف جواز ، في ترقيه ، في دراسة
ربنا عارف أمتي معادك ، خد بالاسباب و إستني

الحقيقة ان
ربنا إللي بعت يراضينا ف عز ما كنا تعبانين ، هيبعت برضه يجبر بخاطرنا ف عز ما إحنا مستنين

اوعي لو اتأخرت تستغرب
اوعي لو بدرت تستعجب
ربنا عارف إللي إنت متعرفهوش

اعقلها و توكل علي الله
اعقلها و سلمها ليه
هو عارف أمتي يجبر بخاطرك

لو قابلت يوم أو موقف وحش
اوعي تقول اشمعنى أنا يارب
لأنك هتنبهر..... حتي لو بعد سنيييييين بحكمته

#الحمد_لله

ما اجمل قضاء الله