تكملة لتفاصيل #خلوة_منتصف_العمر 2
قبل ما ابدأ فى شرح الأهداف والاسئلة اللى كانت فى البوست السابق
خليني الأول نقول : هل انت محتاج خلوة مع نفسك ولأ ؟
ومحتاجها بشكل عاجل ، ولا الموضوع مش مستاهل كل ده ؟
.
قبل ما تجاوب بص على الصورة المرفقة ده (الارتباط بين عمرك وانتاجك الشخصي)
، وشوف عمرك كام ؟ وانتاجيتك فى حياتك قد ايه ؟؟
👇
من :: 15 إلى 24 بتستكشف (مواهبك – قدراتك – نقاط قوتك وضعفك والفرص اللى أمامك فى مجال عملك.......) (وده هشرحها فى منشورات منفصلة قريبا بإذن الله)
.👇
من :: 25 إلى 40 تقدم فى تطوير (مجالك الرئيسي مش الثانوى ) يعني انت شغال مدرس ولكن ناوى بعد فترة تتجه مثلا للتجارة ، يبقي مجالك الرئيسي التجارة ومجالك الثانوى التدريس
وانت بتقييم نفسك شوف انت ماشي فى تقدم فى المجال اللى ناوى تكمل فيه عمرك ، ولا قاعد بتتعب نفسك فى مجال ثانوي (ركز وصارح نفسك)
والنقطة فادتني فى خلوتي (إني قررت أغير تخصصى من اللغة العربية وأتجه للعلوم الأنسانية)
.👇
من:: 40 إلى 60 (فيه كذا صنف)
⬅️ صنف ثابت (معظم الناس) خلاص راضي بالعمل بتاعه ومش ناوي يغيره ، وكل أيامه شبه بعض مفيش جديد فى حياته
⬅️ صنف يتراجع (نعوذ بالله ) مستواه نازل وفى انخفاض فى كل حاجة مهنيا وصحيا وماديا وروحيا واجتماعيا.... كل حاجة فى النازل ، وده فى الغالب عمره ما فكر يتطور من حاله ،ولا فكر فى المستقبل
⬅️ صنف قليل من الناس ( سابق كل اقرانه فى مجاله ، متطور منفتح مرن )
وفى الحقيقة انت مش تعرف تعمل كده لوحدك وقتها ، (لأن كم الانشغال وقتها كبير جدا)
فلازم من دلوقتي تدير نفسك بشكل كويس جدا وتستعين بالله ، عشان تعرف تتحكم فى نفسك وقت الأربعين ؛ وده مش هيتحقق إلا لما تفهم نفسك من جوه ، مش تفهم القشور فقط ، عشان تعرف تقود نفسك فى مرحلة زى ده ، وتقدر تخرج بره اى اختيار ضد رغبتك أو مصلحتك النفسية أو المهينة ..... حسب أولوياتك وقيمك العبادية والمهنية والصحية والاجتماعيةو...
.
#علامات_غير_جيدة ، وتحتاج إلى تعديل مسار حياتك : 🚫🚫
1- لو لاقيت نفسك متأخر فى مرحلة من المراحل عن المطلوب : ( يعني مثلا عمرك 26 ولسه مش عارف مواهبك او هتشتغل فين أو لسه تايه شوية )
2- لو لاقيت ان عمرك أكثر من 25 وقاعد بتتعب فى نفسك وشغال فى حاجة وعمال تتعلم فيها ، وانت عارف من جواك انك مش هتستفاد من العلم ده أى شئ فى مجالك الرئيسي
مثال ( حد شغال محامي ، وعمال يتدرب ويتعلم فى القوانين وشغل المحاكم و...... ، وهو اصلا ناوي يشتغل فى مجال التربية قدام) لازم يعمل توازن بينهم أو يترك مهنة المحاماة
ولكن لو هو شغال حاليا فى مجال ثانوى واللى بيتعلمه ده هيفيده قدام فى شغله الأساسي مفيش مشكلة
3 - لو لاقيت ان عمرك أكثر من 40 وبدأت تحس إنك كده خلاص حققت كل اللى عليك ، ومش حريص على حاجة تانية
.
#الخلوة مش علاج وحيد أو علاج نهائي
ولكن بتساعدك وبتفتح لك مداركك خصوصا لو عرفت تعملها صح
يعني لو انت محتاج تروح ضرورى لطبيب نفسي أمين يساعدك فى حالتك ، أو كوتش يرشدك للتخلص من العقبات اللى قادمك
مفيش مشكلة ، بس حاول تقعد مع نفسك الأول ترتب هتقوله ايه ، المفاجأة إنك هتلاقي نفسك بدأت ترتاح تدريجيا لقعدتك مع نفسك
.
وأخيرا :
ابن عطاء السكندرى بيقول : [ ادفن وجودك فى أرض الخمول فما نبت مما لم يدفن ]
يعني باختصار جدااا:
ادفن نفسك عن كل الظهور ، حتي تستطيع أن تنمو ، كالبذرة إن لم تدفن فى الأرض فلن تنبت.
وبالتالى بدون خلوة صادقة مع نفسك لن تنمو !!
.
البوست الجاى : هشرح بإذن الله ( ازاى تطرح اسئلة على نفسك ، عشان تعرف تفهمها)
والحمد لله الذى بنعمته تتم الصالحات
تعليقات
إرسال تعليق