الكورونا فيروس يسبب اعراض تتشابه مع الانفلونزا والبرد العادي ولا يمكن التفريق بينهم بدون عمل التحليل

#شوية_طب

- الكورونا فيروس يسبب اعراض تتشابه مع الانفلونزا والبرد العادي ولا يمكن التفريق بينهم بدون عمل التحليل 

- 85 ٪ من الحالات هتبقي برد ورشح بسيط وانتهي الامر، اقل من 10 ٪ من الحالات قد تحتاج مستشفي + اقل من 8 ٪ تحتاج عناية 

- انتقال العدوي في اي بلد يساوي 25-35 ٪ يوميا (اي بلد بتقول اقل من كده بتكدب وش) 

- نسبة الوفيات = صفر عند الاطفال حتي سن 10 سنين، ونسب الوفيات لحد سن 50 سنة اقل من 1 في الالف (ارقام ايطاليا) 

- تزداد النسب بشكل كبير فوق ال 50 سنة وعند مرضي السكر والقلب والرئة + المرضي اللي بياخدوا أدوية مثبطة للمناعة 

- رش الكحول والكلورين والمبيدات الحشرية علي الأسطح والشوارع لا يساعد في ايقاف اي حاجة مسح الاسطح قد يساعد علي تقليل الفيروسات بشكل عام لكن الرش لا (علي موقع منظمة الصحة العالمية) 

- صور فيديوهات الدول اللي بترش شوارع ديه تستحق اوسكار افضل كليب كوميدي 

- بالنسبة لدواء الملاريا للتوضيح الي الان في رأي الطبي بيقول بيساعد لكن الرأي مش عليه إجماع، انك تاخده لن يضر لكن لا يعني انك بقيت سوبر ومش هيجيلك كورونا 

- لمنع انتقال العدوى شوف النصائح التالية 

1- لو عندك برد اعزل نفسك عن الباقيين 

2- لو تعمل في مكان مزدحم يبقي اعمل مسافة متر ونص بينك وبين الاخرين 

3 - تجنب المصافحة باليد او الاحضان والبوس 

4- تجنب المشاركة في شيشة شخص اخر او سيجارة الكترونية لشخص آخر 

5- غسل اليد بالميه والصابون كافي ومهم حتى لو مفيش منظف (ب كحول او بدون) 

6- الكمامة مفيدة جدا، البسها وانت في تجمعات صعب السيطرة عليها 

7- لو علي ادوية تأكد من طبيبك الخاص انها لا تقلل من جهازك المناعي 

8- لو مريض ابتعد عن كبار السن بأي شكل حتي لو اتهمك اهلك بالعقوق  (اتصل واشرح لهم السبب لكن ابعد عنهم، لو عندك كورونا ونقلتها لهم انت بتحكم عليهم بالموت خصوصا في نظام طبي ضعيف زي اللي في مصر)

9- لو في حرارة أنصح بالبعد عن النيورفين والكيتوفان وعيلتهم الدوائية، البانادول يكفي 

10- المضاد الحيوي لا يعالج كورونا (وزيرة الصحة المصرية غلطت وقالت بنعالج الكورونا بالمضاد وده غلط منها) 

11- الكورتيزون لا يعالج البرد ولا الكورونا وقد يكون سبب في مضاعفات كثيرة 

النقطة القادمة قد يعتبرها البعض كفر وهرطقة وإلحاد بالفلكلور الطبي المتعارف عليه  

**** لا يوجد أدوية تقوي المناعة  ولا توجد أطعمة تقوي المناعة ولا يوجد اي دليل طبي علي إمكانية تشحيذ أو رفع مستوى كفاءة المناعة للشخص (الا بالتطعيمات) 

كل ما يمكننا عمله للمناعة هو المحافظة عليها بالنوم فترة مناسبة، تجنب الارهاق النفسي، الرياضة ، الاكل المتوازن + محاولة البعد عن الأدوية التي تقلل المناعة (الا لو مطلوبة طبيا)

النقطة بتاعت المناعة هي نقطة عامة وغير مرتبطة بالكورونا