الرفاهية المميتة ☠☠💀
كنت قاعدة النهاردة مع مهندسة ديكور شابة جميلة ❤
أهم ما يميزها أنها بتشتغل بشغف مبنى على دراسة و موهبة .... وعندها دايما أحدث ال updates فى عالم الديكور....
تتطرق الحوار أزاى إتجاهات و أذواق الناس .... بيعكس نمط حياتنا و سلوكنا الأجتماعى ....
فقالت لى أتجاه كل الأسر حاليا ..... لما ربنا يوسع عليهم و يأخدوا شقة أكبر أو فيلا
يخصصوا غرفة لكل طفل حتى لو ولدين ..... أو بنتين .... عشان كل واحد يبقى بحاجته و حاجاته
و بتحكى لى أن أصبح يطلب منها من عملاءكتير ..... أمهات تحديدا إضافة التالى فى كل غرفة
- سرير
- دولاب
- مكتب
-كومود
عاااااادى جدا 😊
نيحى لطلبات الجديدة
- تلقزيون LCD كبير
- بلاى ستيشن
- ثلاجة صغيرة
- براد ءKettle
زىcoffee corner
و لو مساحة كبيرة..... بيتم إضافةحمام خاص بكل غرفة
هل هذا عاااااااادى؟؟؟؟😲😲😲
تخيلوا حياةهذا الطفل اللى لسه تحت ١٠ سنوات
لما يعيش فى الأوضة دى..... حياته عاملةأزاى ......
يحتاج يحس بالناس اللى بره باب أوضته ليه ؟؟؟؟؟
يعرف مين جه و لامين راح ليه ؟؟؟؟
ما أنا تلفزيونى عندى....... بلاى ستيشن مع أصحابى كنج أونلاين
الساقع و الكانز ... فى ثلاجتى ....
و النسكافيه و الشاى بدوسة زر على kettle جاهز .....
أحتاج للعيلة ليه ...... كتر خيرهم قوى....
عملوا اللى عليهم و حطوا شقى العمر فى البيت
نتقابل فى الطرقات و الأعياد 🙄😒
قابلت أطفال كتير عيشين فى هذه الزنزانه five stars
و لاقيت عندهم إضطرابات سلوكية كتير .....
🔻- عدم قدرة على التواصل
🔻- تشتت. انتباه و ضعف تركيز
🔻- عدم وضوح فى مخارج الكلمات
🔻- عدم ثقة بالنفس
🔻- إنفعالات غير منتظمة
🔻- سرعة إنفعالات وغضب
🔻- رغبة فى الوحدة
🔻- أعراض إكتئاب
- إضطرابات فى النوم
🔻- إضطرابات فى مواعيد الوجبات
🔻- سمنة. أو نحافة مفرطة
🔻مشكلات سلوكية
🔻إنحراف تفكير جنسى لعدم وجود رقابة على ما يشاهدون
🔻ميل لسلوك العنف و التدمير. تأثير الألعاب
🔻أفكار متطرفة..... لعدم وجود رقابة على ما يشاهدون
الرفاهية لا تعنى أن نجنى على الأسلوب التربوى السليم
لصحتهم البدنية و النفسية
الطفل مكانه ..... فى الطبيعة.... فى المكان الواسع
يكتشف..... يجرى ..... يلعب.... يسمع .... يتكلم مع الناس..... يلعب مع الحيوانات
لا ليعيش حياة الزومبى و مصاصى الدماء اللى بيخافوا من الشمس و الناس
إظهار الحب ليس بالماديات......
هذا النوع من الدلع..... هو الدلع المميت
عندما انتقلت لمكانى الحالى ..... أولادى كانوا مبسوطين ... بوجود غرفة تالتة..... و طلبوا كل واحد غرفة
رفضت و قلتلهم انتم الاثنين مع بعض
و حكيت لهم ذكرياتى مع أختى ..... بنتكلم مع بعض
نسهر نقرأ ...... نلعب ..... نتقاسم الدولاب و الأدراج
نفكر نوضب ايه و نعلق صور مع بعض ......
أحلى ذكريات حسينا. فيها ببعض
لما حد فينا بتكون .... تعبانة ..... أو لما كنت بتكلم و أنا نايمة 🙈
نسمع راديو مع بعض بالليل....
أجمل ذكريات. بنحكيها لإولادنا أحناالأ ثنين
ورفضت وجود تلفزيون. .. أو حتى مخرج له فى غرفتهم
و بدل مكان التلفزيون...... أتعمل أرفف كتب
مر على هذا القرار ١٥ سنة
الحمد لله ......... لم أندم على هذا القرار ....
وهم عرفوا قيمة القرار
و حياتهم فى الأوضة كانت محدودة ...... و الباقى بره
و أرفف الكتب بقى عليها كتب ... عن الكرة ... الفضاء... قصص
البلاى. ستيشن و التلفزيون فى مكان مكشوف
أعرف أحس و أشوف بتفرجوا على ايه و بيلعبوا مع مين 🧐
نصيحة من القلب❤..... تجنبوا عمل هذه الزنزانة
الخمس نجوم..... اللى أولادنا بيدخلوها بأرادتهم مبسوطين
و بعد وقت تُسلب إرادتهم على إتخاذ قرار الخروج😌😞
دمتم أمهات واعيات🥰
تعليقات
إرسال تعليق