عنترة بن شداد

👌👌👌💯 ✔️ 

عنترة كان الtitle بتاعه في القبيلة أنه "عبد" وبالتالي كانت الresponsibilities هي حلب الغنم والرعي فقط.

لكن عنترة طول الوقت كان بيشتغل في قتال أعداء القبيلة والدفاع عن القبيلة رغم ان هذا الشغل مش شغله وكان بيحلم أنه ياخد title "فارس"

إدارة القبيلة عمرها ما فكرت ترقى عنترة للمنصب اللي هو شغال شغله وفضلت تستغله وتعطيه benefits العبد بالرغم من قيامه ب Responsibilities الخاصه بالفرسان.

لما حصل هجوم على القبيلة وعنترة رفض يدافع عنها إضطرت إدارة القبيلة أنها تدخل ل negotiations معاه ووعدوه أنه لو أنقذ القبيلة أنهم يعملوا له promotion ويتحول من عبد لفارس، فعنترة طلب كمان أنه يتزوج عبلة spot bonus والإدارة وافقت تحت الضغط.

عنترة صد الهجوم وراح للإدارة فاكر أنهم هيوفوا بالوعد!

الإدارة رفضت تزوجه عبلة وطلبت منه task جديدة علشان ياخد ال bonus !!

طلبوا منه طلب تعجيزي وهو أنه يجيب ألف ناقة حمراء، عنترة علشان ياخد ال bonus اضطر يشتغل overtime ويعرض حياته للخطر وكان وارد أنه يموت وبالرغم من كده إدارة القبيلة مكنتش مقدرة مجهوده.

الدروس المستفادة:

١.التزم بال Job Responsibilities بتاعتك لغاية ما الإدارة ترقيك وبعد الترقية فقط تبدأ تشيل مسؤليات جديدة.

٢.معظم الشركات بتستخسر ترقي العبد، ف لو انت عبد ف مكان وبتعمل شغل فارس ف نصيحه أهرب ومتستناش promotion وأبدأ ك فارس ف مكان جديد.

٣.الإدارة اللي تطلب منك task وتوعدك ب spot bonus وما تصدق معاك، مفيش داعي تكمل معاهم