فيه بلد زينا كده وغالبا كلنا نعرفها اسمها البرازيل، ناس جميلة بتحب الكورة، وعندهم عشوائيات بالكوم زينا

فيه بلد زينا كده وغالبا كلنا نعرفها اسمها البرازيل، ناس جميلة بتحب الكورة، وعندهم عشوائيات بالكوم زينا.

عندهم رئيس اسمه "بولسونارو" كان مصمم انه يلغي الحظر ويفتح البلد ويكتفي خوفا من الانهيار الاقتصادي، وكان عنده وزير الصحة اسمه "مانديتا" رافض الكلام ده وعايز يطبق إجراءات التباعد الاجتماعي كما يجب وهى لسه في بداية صعود الحالات عندهم زينا هذه الأيام.

بولسونارو لما لقى مانديتا مصمم على رأيه قام شايله من منصبه، وجاب حد ينفذ رغباته اسمه "نيلسون تيتش" والأخ نيلسون ده كان داعم لحملة بولسونارو الانتخابية، وكان عبد المأمور زي ما بيقولوا.

تيتش عمل خطة وقام برفع تدريجي للإجراءات وتشغيل عجلة الانتاج وتنشيط للاقتصاد، طبعا غير شوية كلام عن إللي هيحصل للفقراء والعاملين والكلام إللي بيصدره الإعلام اليومين دول عندنا، وطبعا تم ما طلبه الرئيس وتم رفع الحظر والناس لم تلتزم بإجراءات التباعد، وسابوا الأمر فى النهاية لوعي الشعب.

البرازيل حرفيا خدت سكة إللي يروح ميرجعش، والنهارده بس سجلوا 21 ألف إصابة وحوالي 1000 وفاة وأصبحت فى المركز التاني عالميا، وأخونا تيتش وزير الصحة الجديد قدم استقالته وهرب من المركب، والخدمات الصحية فى البرازيل انهارت بشكل غير مسبوق، وخسائر فى الأرواح مقولكش.

طب وبعدين انت عاوز ايه يعني ؟! لأ أنا مش عاوز حاجة، أنا بس بفكرك ⚠⚠

#وعي_الشعب